2023-yilda tashkil topgan “Arkadag” jamoasining g‘alabali seriyasi o‘z yakuniga yetdi.
Turkmaniston klubining seriyasi 61 o‘yingacha davom etdi.
Tashkil etilganidan buyon mag‘lubiyat nimaligini bilmay kelgan klub Turkmaniston chempionatida zafar quchishga ham muvaffaq bo‘ldi.
“Arkadag” Osiyo futbol Konfederatiyasi Chaqiruv ligasi guruh bosqichining 3-turida “Al-Arabi” klubiga 2:3 hisobida mag‘lub bo‘ldi.
Shunga qaramasdan klub turnirning pley-off bosqichiga chiqdi.
Ma’lumot uchun “Arkadag” — Turkmanistonning sobiq prezidenti, hozirda Turkmaniston Xalq Maslahati raisi Gurbanguli Berdimuhamedov nomi bilan atalgan shaharning klubi hisoblanadi.
BBC nashrining xabariga ko‘ra, klubning libosi va logotipi dizayni bo‘yicha shaxsan Berdimuhamedovning o‘zi shug‘ullangan. Mavsum avvalida jamoa liganing eng kuchli futbolchilari bilan shartnoma imzolagan edi.
Izoh (0)