Ijtimoiy tarmoqlarda fuqaro o‘zini fura tagiga tashlab, joniga qasd qilgani aytilgan videolavhalar tarqaldi. Holat yuzasidan Bosh prokuratura matbuot xizmati “Daryo”ga maʼlumot berdi.
Qayd etilishicha, hodisa 27-oktyabr kuni soat 12:30 larda Paxtachi tumani “Amirobod” mahallasidan o‘tuvchi M-37 avtomobil yo‘lining Samarqand-Buxoro yo‘nalishi 139-km da sodir bo‘lgan.
Xatirchi tumani “Polvonota” mahallasida yashagan 41 yoshli ruhiy kasal A.B. fuqaro Yu.Y. boshqaruvida bo‘lgan Man yuk avtomashinasi ostiga o‘zini tashlab, joniga qasd qilgan. Hodisa oqibatida A.B. voqea joyida vafot etgan.
Mazkur holat yuzasidan marxum shaxsga nisbatan sud tibbiy ekspertiza tayinlangan va holatga guvoh bo‘lgan shaxslardan tushuntirish xatlari olingan.
Holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)