Rossiya tashqi ishlar vaziri Sergey Lavrov 2024-yil dekabr oyida Yevropada Xavfsizlik va Hamkorlik Tashkiloti (YXHT) TIV kengashi majlisida ishtirok etish uchun Maltaga borishni rejalashtirmoqda.
“Lavrov Ukrainada maxsus operatsiya boshlanganidan beri birinchi marta Yevropa Ittifoqiga aʼzo bo‘lgan davlatga tashrif buyuradi” deb ta’kidlaydi Vedomosti nashri.
Rossiya TIV vakili Mariya Zaxarovaning ta’kidlashicha, “ushbu tadbirga mezbonlik qilayotgan davlat barcha a’zo mamlakatlarga ishlash imkoniyatini berishi kerak”.
Maltaning Rossiyadagi elchixonasi YXHT Vazirlar kengashi yig‘ilishini 5-6 dekabr kunlari ushbu mamlakatda o‘tkazish to‘g‘risidagi qaror “barcha a’zolarga, shu jumladan Rossiyaga ham tegishli”ligini tasdiqlagan. Malta elchixonasi Yevropa Ittifoqi tomonidan Sergey Lavrovga nisbatan joriy qilingan sanksiyalar bilan bog‘liq vaziyatga izoh bermagan.
Sergey Lavrov Yevropa Ittifoqiga oxirgi marta Rossiya-Ukraina urushi boshlanishidan oldin – 2021-yil dekabrida tashrif buyurgan edi. O‘shanda YXHT Vazirlar kengashi yig‘ilishi Shvetsiya poytaxti Stokgolmda bo‘lib o‘tgan. 2022-yil fevral oyidan boshlab Lavrov Yevropa Ittifoqining shaxsiy sanksiyalariga duchor bo‘lgan, xususan, uning YIdagi aktivlarini muzlatilgan.
2023-yil fevral oyi boshida Avstriya TIV rahbari Aleksandr Shallenberg mamlakat parlamentida so‘zlagan nutqida YXHT tadbirlaridagi rossiyalik vakillar sanksiyaga duchor bo‘lgan taqdirda ham kirish huquqiga egaligini aytgan.
2023-yil noyabr oyida Lavrov Yevropa Ittifoqiga aʼzo bo‘lmagan, ammo NATO tarkibiga kiruvchi Shimoliy Makedoniyada YXHTga aʼzo davlatlar tashqi ishlar vazirliklari rahbarlarining yig‘ilishida ishtirok etgan edi. Shu sababli Latviya, Litva, Estoniya, Polsha va Ukraina vakillari Skopyedagi tadbirga kelishdan bosh tortgan.
2022-yilda YeXHTga raislik qilgan Polsha Lavrovni Lodzda bo‘lib o‘tgan YeXHT Vazirlar kengashi yig‘ilishida ishtirok etishi uchun mamlakatga kiritishdan bosh tortgan.
Izoh (0)