Andijon shahrida 24 yoshli yigit ustiga benzin quyib, o‘zini yoqib yubordi. Holat aks etgan video ijtimoiy tarmoqlarda tarqaldi.
Bosh prokuratura axborot xizmati rahbari Hayot Shamsutdinovning “Daryo”ga ma’lum qilishicha, holat 31-oktyabr kuni soat, taxminan, 22:40 lar atrofida sodir bo‘lgan. 24 yoshli F.R. Paynet shaxobchasiga kirib, o‘ziga benzin sepib, joniga suiqasd qilgan va kuygan jarohatlari bilan RSHTYIAM viloyat filialiga keltirilib, tibbiy yordam ko‘rsatilgan.
U o‘ziga benzin sepib, Paynet shaxobchasiga kirib o‘zini yoqib, qaytib chiqib ketgani shaxobchadagi va uning tashqarisiga qo‘yilgan videokameralarda qayd qilingan.
Hozirda unga zarur tibbiy muolajalar ko‘rsatilmoqda. Olgan tan jarohatlari bo‘yicha sud-tibbiy ekspertizasi tayinlangan.
Ijtimoiy tarmoqlarda tarqalgan xabarlarda aytilishicha, yigit onlayn qimorda katta miqdorda pul yutqazib qo‘ygani uchun o‘z joniga suiqasd qilgan.
Izoh (0)