Financial Times gazetasining Hurun tadqiqot instituti ma’lumotlariga tayanib xabar berishicha, so‘nggi uch yil ichida Xitoyda dollarli milliarderlar soni uchdan bir qismidan ko‘proqqa kamaydi.
Qayd etilishicha, mamlakatda milliarderlarning maksimal soni 2021-yilda 1185 nafarni tashkil etgan. Shundan so‘ng ularning soni asta-sekin kamayib, oxirgi hisobda 753 nafar qolgan, bu 2021-yilga nisbatan 36 foizga kam.
Mutaxassislarga ko‘ra, milliarderlar sonining qisqarishini faqat yuanning dollarga nisbatan qadrsizlanishi bilan izohlab bo‘lmaydi. Xitoyda dollarli milliarderlar soni so‘nggi bir yil ichida 16 foizga kamaygan, yuan esa dollarga nisbatan atigi 2,5 foizga qadrsizlangan. Oxirgi uch yil ichida Xitoy valyutasi 10 foizga tushib ketgan.
Hurun taʼkidlaganidek, milliarderlar sonining keskin kamayishi COVID-19 pandemiyasining salbiy oqibatlari bilan bog‘liq. Sabab sifatida fond bozorlaridagi pessimistik kayfiyat, hokimiyat tomonidan tazyiq va cheklovlar ham keltirilmoqda.
Hurun’ga ko‘ra, Xitoydagi eng boy odam ByteDance rahbari Chjan Imin hisoblanadi. Uning boyligi 49,3 milliard dollarga baholangan.
Izoh (0)