O‘zbekiston va Iordaniya aviatsiya ma’muriyatlari o‘rtasida Anglashuv memorandumi imzolandi. Bu haqda Transport vazirligi axborot xizmati xabar bermoqda.
Ma’lum qilinishicha, Malayziyaning Kuala-Lumpur shahrida bo‘lib o‘tayotgan ICAOning ICAN-2024 tadbirida Iordaniya aviatsiyasi ma’muriyati bilan o‘tkazilgan muzokara o‘tkazilgan.
Unda Havo qatnovi to‘g‘risida ikki tomonlama hukumatlararo bitimda aviakompaniyalar soniga qo‘yilgan cheklovlarni olib tashlashni nazarda tutuvchi o‘zgartirish hamda parvozlar xavfsizligiga oid qo‘shimchalar kiritish bo‘yicha bayonnoma parafir qilindi va ikki davlat aviatsiya ma’muriyatlari o‘rtasida anglashuv memorandumi imzolandi.
Avvalroq Kuvayt bilan haftalik aviaqatnovlar soni 28 taga oshirilishi, Tanzaniya bilan cheksiz aviaqatnovlar yo‘lga qo‘yilishi xabar qilingan edi. ICAN-2024 tadbiri doirasida Saudiya Arabistoni havo qatnovi to‘g‘risidagi yangi hukumatlararo bitimni imzolagan hamda Gonkong aviatsiya hukumati bilan kelishuvga erishilgan.
Izoh (0)