2024/2025-o‘quv yilida OTMlarning ayrim bakalavriat hamda magistratura talabalari uchun to‘lovlarni amalga oshirish va talabalar safiga qabul qilishni rasmiylashtirishning muddati 1-dekabrgacha uzaytirildi. Bu haqda Oliy taʼlim, fan va innovatsiyalar vazirligi xabar berdi.
Quyidagi talabalar uchun muddat uzaytirilgan:
- bazaviy yoki tabaqalashtirilgan to‘lov-kontrakt asosida o‘qish istagini bildirgan abituriyentlar (1-bosqich);
- qoraqalpog‘istonlik yoshlar uchun ajratilgan qo‘shimcha qabul kvotalariga talabalikka tavsiya etilgan abituriyentlar (1-bosqich);
- o‘qishi ko‘chirilgan (ko‘chirib tiklangan) talabalar.
Bunda qabul parametri doirasida o‘qishga tavsiya etilgan abituriyentlar bazaviy to‘lov-kontrakt shaklida bir yillik o‘qitish qiymatining kamida 25 foizini to‘lashi lozim.
Shuningdek, tabaqalashtirilgan to‘lov-kontrakt (super) asosida o‘qish istagini bildirganlar ular uchun belgilangan bir yillik o‘qitish qiymatining kamida 50 foizi miqdoridagi to‘lovlarni amalga oshiradi.
Izoh (0)