Buyuk Britaniyaning Manchester shahrida professional boks kechasi o‘tkazildi.
Oqshom doirasida britaniyalik Jek Ketterol birinchi yarim o‘rta vaznda sobiq jahon chempioni Rejis Progreysga qarshi ringga ko‘tarildi.
Jek jangga qadar WBC reytingida ikkinchi, WBA yo‘nalishida beshinchi, IBF’da uchinchi, WBO versiyasida ikkinchi o‘rinni egallab turgandi.
O‘n ikki raund to‘liq davom etgan jangda 31 yoshli Ketterol 35 yashar amerikalik Progreysni 117-108, 116-109, 116-109 hisoblarida mag‘lubiyatga uchratdi. Avvaliga Rejis beshinchi raundda Jekni yengil nokdaun holatiga tushirib qo‘ydi. To‘qqizinchi raundda esa Ketterol ikkita nokdaun bilan javob qaytardi.
Izoh (0)