Marokash terma jamoasi va Fransiyaning “Marsel” klubi sobiq yarim himoyachisi Abdulaziz Barrada 35 yoshida vafot etdi, deb xabar bermoqda Marokash qirollik futbol federatsiyasi matbuot xizmati X ijtimoiy tarmog‘ida.
Barrada 24-oktyabr, payshanba kuni vafot etdi. O‘lim sabablari haqida ma’lumot berilmagan. OAV xabariga ko‘ra, sobiq futbolchi yurak xurujiga uchragan.
“Marokash Qirollik futbol federatsiyasi o‘z nomidan Marokash terma jamoasining sobiq futbolchisi Abdulaziz Barradaning oilasiga samimiy hamdardlik bildiradi”, deyiladi federatsiya bayonotida.
Barradaning sobiq klubi “Marsel” va u akademiyasida o’qigan Fransiyaning “PSJ” jamoasi ham hamdardlik bildirdi.
Barrada faoliyati davomida Ispaniyaning “Xetafe”, Turkiyaning “Antalyaspor”, BAAning “Al-Jazira” va “An-Nassr” klublarida ham to‘p surgan. U Marokash terma jamoasi safida 28 ta o‘yin o‘tkazib, 4 ta gol urgan. Barrada 2021-yilda faoliyatini tugatgan edi.
Izoh (0)