Ushbu seriallarning qahramonlari optimizm va yaxshilikka umid bilan to‘lib-toshgan, hatto nimadir rejadagidek ketmasa ham umidini so‘ndirmaydi. Ular g‘iybatlashishadi, ovqat pishirishadi, hatto qotilliklarni shunday tergov qilishadiki, ko‘ngil xotirjam bo‘ladi.
“Juliya”
1960-yillarda Amerikaning pazandalik ustasi bo‘lgan Juliya Chayldning ajoyib televizion karyerasi haqidagi hazil va ishtahaochar taomlarga boy serial. Diplomat eri bilan Fransiyadan qaytganidan so‘ng, Juliya oddiy amerikaliklarni fransuz oshxonasining nozik ta’mi bilan tanishtiradigan mualliflik shousi haqida o‘ylaydi. Oddiy va nafis — bu qahramonning hayotdagi shiori: efir paytida tovuq polga uchib tushganda ham, shou uchun pul tugaganda ham tushkunlikka tushmaydi.
Chayldni britaniyalik aktrisa Sara Lankashir o‘ynaydi. Oshxona bu ajoyib ayol uchun qamoqxona emas, balki ozodlik yo‘liga aylanadi.
“Ayyorliklar”
Las-Vegasni yildan yilga zabt etib kelayotgan zaharxanda va hashamatli, ammo biroz kibrli stendap yulduzi Debora Vens shaddod ssenariy muallifi — omadi yurishmagan Ava ismli ayolni yordamchi qilib ishga oladi. Uning yordami bilan komediyachi karyerasini yangilash niyatida, lekin ularning munosabatlari darhol shaxsiy hududga o‘tadi va ikkalasini ham o‘zgartiradi
70 yoshli Jin Smart uchun “Ayyorliklar” munosib g‘alaba bo‘ldi, amerikalik aktrisa qiziqqon stendaper qiyofasida porlaydi, drama va komediya yoqasida muvozanatlashadi va ulkan televizion karyerasi davomida to‘plagan hamma narsasini oshkor qiladi.
“Bir binodagi qotillik”
Voqealar Manxetten markazidagi ko‘p qavatli majmuada bo‘lib o‘tadigan detektiv serial. O‘ttiz yil oldin izquvar rolini o‘ynagan aktyor (Stiv Martin), keksa asabiy rejissyor (Martin Short) va xotirjam yosh rassom (Selena Gomes)ni binoda sodir bo‘lgan qotillik birlashtiradi. Serialdagi asosiy narsa jinoyatni tergov qilish emas, balki yoshi turlicha bo‘lgan uch kishining iliq va kinoyali do‘stligiga urinishdir.
“Shaxsiy hayot”
Pop-idolni aqldan ozar darajada sevib qolgan Son Dok Mi ismli qiz haqidagi romantik komediya. Shu bilan birga, u san’at galereyasida kurator bo‘lib ishlaydi, ammo sharmandali fanatizmini hamkasblaridan yashiradi. Ammo galereyaga chiroyli, takabbur va sirli yangi rahbar Rayan Gold kelgach, hammasi o‘zgaradi.
Izoh (0)