Turkiya harbiy-havo kuchlari Iroq va Suriya shimolidagi Kurdiston ishchi partiyasi obyektlariga zarbalar berdi. Bu haqda Turkiya Mudofaa vazirligi xabar berdi.
Aviazarbalar natijasida jami “kurdlarga tegishli 47 ta nishon muvaffaqiyatli yo‘q qilingan”. Aynan qaysi obyektlarga zarba berilganini Mudofaa vazirligi oshkor etmagan. Tinch aholiga zarar yetkazilishiga yo‘l qo‘ymaslik uchun “barcha ehtiyot choralari” ko‘rilgan. Qayd etilishicha, havo operatsiyalari davom etmoqda.
Turkiyaning kurdlar obyektiga hujum 23-oktyabr kuni Anqaradagi TUSAS aerokosmik korporatsiya obyektiga ayol va erkak terakt uyushtirganidan so‘ng amalga oshirildi. Hujumni amalga oshirganlar zararsizlantirilgan. Qurbonlar soni 5 kishiga yetgan, yaradorlar esa 22 nafarni tashkil etmoqda.
Ulardan uch nafari shifoxonadan chiqarilgan. Turkiya ichki ishlar vaziri Ali Yerlikaya mamlakatda taqiqlangan Kurdiston ishchi partiyasini hujumda gumon qilmoqda.
Izoh (0)