Afg‘onistonning Kobul shahridagi bozorda 23-oktyabr kuni portlash yuz berdi. Bu haqda Ariana News xabar berdi.
Portlash oqibatida 11 kishi jarohatlangan, bir nafar voyaga yetmagan bola halok bo‘lgan. Hodisa mahalliy vaqt bilan soat 14:00 atrofida odamlar gavjum Pomir Cinema tumanidagi ikkinchi qo‘l kiyim-kechak bozorida sodir bo‘lgan.
Hozirgacha shifoxonaga 11 nafar yarador olib kelindi. Ular orasida 3 yoshli qizcha, 4 yoshli o‘g‘il bola, 16 yoshli yigit, ikki ayol va olti erkak bor, ulardan biri og‘ir ahvolda. Ushbu hujumdan jabrlangan ko‘pchilik odamlar o‘ta og‘ir qashshoqlik sharoitida yashaydi, deydi Emergency tashikotining Afg‘onistondagi vakolatxonasi direktor o‘rinbosari Stefano Gennaro Smirnov.
Ta’kidlanishicha, portlovchi qurilmani joylashtirgan gumonlanuvchi qo‘lga olingan va tergov harakatlari olib borilmoqda.
Izoh (0)