Toshkent viloyatida uchta AYQSHda avtobenzin davlat standart talablariga mos kelmasligi holati aniqlandi, deb xabar bermoqda “O‘zenergoinspeksiya” matbuot xizmati.
Holat inspeksiya tomonidan neft mahsulotlarini yetkazib berish va ularni sotuvga chiqarish yuzasidan o‘tkazilgan nazorat tadbirlarida aniqlangan.
Xususan, Ohangaron tumanida joylashgan “D.” xususiy korxonasiga qarashli AYQSH o‘rganilganda 4 dona ming litrlik yelim idishlarda dizel yonilg‘isi saqlanayotgani hamda nostandart yelim idishlarga dizel yonilg‘isi quyish holati aniqlangan. Shuningdek, ushbu shoxobchada sotilayotgan avtobenzindan namuna olinib, laboratoriya tahlillaridan o‘tkazilganda Ai-92 rusumli avtobenzin davlat standart talablariga mos kelmasligi (sifatsiz) ma’lum bo‘lgan.
Bu kabi holatlar Yangiyo‘l tumanida “S.F.B.” MCHJ va Parkent tumanida “P.” fermer xo‘jaligiga qarashli AYQSHlarda ham aniqlangan.
Qayd etilishicha, mazkur holatlar yuzasidan qoidabuzarlikka yo‘l qo‘ygan ushbu AYQSHlar kamchiliklar bartaraf etilgunga qadar birja savdolarida ishtirok etishi vaqtincha to‘xtatildi.
Avvalroq “O‘zenergoinspeksiya” Ai-80 benzinini sotmasdan saqlab turgan zapravkalar birja savdolarida ishtirok etishi vaqtincha to‘xtatilganini e’lon qilgandi. Surxondaryoda benzindan “urib” qolayotgan AYQSH aniqlangandi
Izoh (0)