O‘zbekistonlik paralimpiyachi Asila Mirzayorova yangi lavozimda ish boshlaydi.
Parij—2024 Paralimpiada o‘yinlari chempioni Asila Mirzayorova Ijtimoiy himoya agentligida ish boshlaydi. Bu haqida sportchining o‘zi ijtimoiy tarmoqdagi sahifasida aytib o‘tdi. Sportchining aynan qaysi lavozimda ish boshlashi tez orada ma’lum bo‘ladi.
Qayd etib o‘tish kerak, mazkur tashkilotda Parij—2024 Olimpiadasi chempioni, dzyudochi Diyora Keldiyorova ham Gender tengsizligi va bolalarga nisbatan zo‘ravonlikka qarshi kurashish bo‘yicha maxsus vakil hisoblanadi.
Ma’lumot uchun, Asila para yengil atletika bo‘yicha Tokio—2020 kumush medali, Parij—2024 oltin medali sohibi hisoblanadi. Shuningdek, Mirzayorova hisobida ikkita jahon chempionligi ham mavjud.
Izoh (0)