Saudiyaning Ar-Riyod shahrida Rafael Nadalga sovga qilingan oltin raketkaning narxi ma’lum bo‘ldi.
Dunyoning yetakchi tennischilari ishtirokidagi turnir 16-oktyabrdan 19-oktyabrga qadar Ar-Riyod shahrida bo‘lib o‘tdi. Musobaqa finalida italiyalik Yannik Sinner ispaniyalik tennischi Karlos Alkarasni mag‘lub etdi. Nadal esa 3-o‘rin uchun bahsda serb Novak Jokovichga imkoniyatni boy berdi.
Ko‘rgazmali turnirdan keyin Rafael Nadalga oltin raketka sovg‘a qilindi. Ushbu raketkaning bahosi 250 ming yevroni tashkil etadi, deya xabar bermoqda Marca. Turki al ash-Shayx tomonidan taqdim etilgan ushbu raketkaning og‘irligi 8 kilogrammni tashkil etadi.
Avvalroq ispaniyalik tennischi faoliyatini yakunlashini e’lon qilgandi. Noyabr oyida Malagada bo‘lib o‘tadigan “Devis Kubogi” u uchun faoliyatidagi eng oxirgi turnir bo‘ladi.
38 yoshli Rafael Nadal ikki karra Olimpiada chempioni hisoblanadi.
Izoh (0)