Prezident yordamchisi Saida Mirziyoyeva Uzinfocom’da sog‘liqni saqlash sohasini raqamlashtirish bo‘yicha ishlab chiqilayotgan loyiha bilan tanishdi.
Ushbu tizim ishga tushishi natijasida tibbiyot muassasalaridagi barcha asosiy jarayonlar bosqichma-bosqich avtomatlashtiriladi, bemorlarning sog‘lig‘i haqida turli manbalardan olinadigan maʼlumotlarni yagona elektron tibbiy kartaga birlashtirish imkonini beruvchi dasturiy yechimlar joriy etiladi.
Shuningdek, ish hajmini optimallashtirish orqali sog‘liqni saqlash muassasalarining barcha bo‘g‘inlarida faoliyat samaradorligi oshiriladi.
“Ishonchim komilki, loyiha rejadagidek amalga oshirilsa, soha xodimlari uchun ham, aholi uchun ham manfaatli bo‘ladi”, deb yozadi prezident yordamchisi.
Izoh (0)