Qirg‘izistonda moped, skuter va dvigatel o‘rnatilgan velosipedlarning piyodalar yo‘lida harakatlanishini taqiqlashni taklif etildi. Parlament a’zosi Chingiz Ajiboyev “Yo‘l harakati to‘g‘risida”gi qonunga o‘zgartish kiritishni ilgari surdi.
Hujjat jamoatchilik muhokamasiga taqdim etilgan. O‘zgartirishlardan maqsad yo‘l harakati xavfsizligini ta’minlashdan iborat. Tashabbuskorning so‘zlariga ko‘ra, qonunchilikdagi bo‘shliqlar tufayli velosiped va moped haydovchilari ko‘pincha “yo‘ldagi o‘z majburiyatlarini bilmaydi”. Bu xavfli vaziyatlarga olib keladi, deb hisoblaydi Ajibayev.
“So‘nggi vaqtlarda ushbu transport vositalari ishtirokida sodir bo‘layotgan yo‘l-transport hodisalari sonining ko‘payishi kuzatilmoqda, bu haydovchilar va piyodalar xavfsizligiga tahdid solmoqda”, deyiladi hujjatda.
Deputat yakka tartibdagi harakatlanish vositalari haydovchilariga, agar yonma-yon maxsus ajratilgan yo‘lakcha mavjud bo‘lsa, qatnov va piyodalar yo‘lagida harakatlanishni taqiqlashni taklif etmoqda. Shuningdek, rulni kamida bir qo‘l bilan boshqarish majburiy bo‘ladi.
Bundan tashqari, qonun loyihasi haydovchilarga shlem, tirsak va tizza himoyasi taqib yurishni majburiy etib belgilaydi. Agar ular yo‘lovchilarni tashisa, ular ham shu tarzda “ta’minlangan” bo‘lishi shart. Xuddi shunday talablar yuk tashishga ham taalluqlidir.
Sentyabr oyida xalq deputati Chingiz Ajibayev Bishkekda maxsus infratuzilma yaratilmaguncha moped va samokatlardan foydalanishni taqiqlashni taklif qilgandi.
Izoh (0)