Tatyana Daniela Garsiya Silva Nikaraguaning O‘zbekistondagi birinchi elchisi etib tayinlandi.
Tashqi ishlar vaziri Baxtiyor Saidov 16-oktyabr kuni u bilan uchrashdi.
“Ikki tomonlama munosabatlarimizda foydalanilmayotgan ulkan imkoniyatlarni o‘rganish mexanizmlarini muhokama qildik”, deb yozdi vazir ijtimoiy tarmoqdagi sahifasida.
Uning ta’kidlashicha, Tashqi ishlar vazirliklari aloqalarda, ayniqsa, iqtisodiy jihatdan aniq natijalarga erishishda lokomotiv vazifasini bajarishlari lozim.
Markaziy Amerikada joylashgan Nikaragua 1821-yil 15-sentyabrda Ispaniyadan ajralib chiqib, o‘z mustaqilligiga erishgan. O‘zbekiston va Nikaragua o‘rtasida dilomatik aloqalar 2007-yilning 23-fevralida o‘rnatilgan.
Izoh (0)