Xitoyning Duszyandagi tadqiqot markazidan ikkita katta uch yoshli panda — Bao Li va Chin Bao Vashingtondagi milliy hayvonot bog‘iga jo‘natildi. Bu haqda CNN xabar berdi.
AQSH poytaxtida 23 yil davomida yashagаn katta pandalar Mey Syan, Tyan Tyan va ularning bolasi Syao Tsiszi 2023-yil noyabr oyida Xitoyga qaytib kelgandi. Vashingtonga yuborilgan pandalar Panda Express deb nomlangan Boeing 777 maxsus samolyotida yetkaziladi. Ular uchun bambuk, sabzi va makkajo‘xori nonlari tayyorlab qo‘yilgan.
Iyun oyida Xitoy 20 yil ichida birinchi marta AQSHga bir juft yirik panda yuborgandi. Bundan bir necha oy oldin Xitoy rahbari Si Szinpin pandalarni Xitoy va Amerika xalqlari o‘rtasidagi do‘stlik elchilari sifatida “San Diyego” hayvonot bog‘iga yuborishni taklif qilgandi.
Barcha pandalar Xitoy mulki hisoblanib, ijara shartnomalari doirasida boshqa mamlakatlarga yuboriladi. Odatda har bir jonivor uchun 250 ming dollardan 1 million dollargacha to‘lov amalga oshiriladi. Dunyoda jami 1,6 ming panda mavjud bo‘lib, ulardan 30 tachasi Xitoydan tashqarida yashaydi.
Izoh (0)