Ijtimoiy tarmoq foydalanuvchilari Tesla kompaniyasi taqdim etgan yangi mahsulotlar va 2004-yilda “Men robotman” filmida namoyish etilgan futuristik texnologiya o‘rtasidagi o‘xshashliklarni qayd etdi, deb yozadi “Pravila jizni” nashri. Tez orada mazkur film rejissyori Aleks Proyas bunga o‘z eʼtirozini bildirdi va Ilon Maskni plagiatda aybladi.
Foto: Pravila jizni
Tesla kompaniyasi bosh direktori Ilon Mask odamsimon robotlarning yangi prototiplari, sunʼiy intellekt yordamida boshqariladigan rulsiz robotaksi (Cybercab) va 20 kishilik sig‘imga ega Robovan nomli furgon hamda robot Optimus’ning yangilangan versiyasini taqdim etdi. “We robot” taqdimoti Berbank shahridagi ulkan kinostudiyada bo‘lib o‘tdi va tadbirni ijtimoiy tarmoqlarda bir necha million kishi tomosha qildi.
Rejissyor Proyasning so‘zlariga ko‘ra, Ilon Mask unga tegishli “Men robotman” filmidagi robotlar va haydovchisiz transport vositalarining dizayn g‘oyalarini o‘g‘irlagan.
“Hoy, Ilon Mask, menga tegishli dizaynlarni qaytarib berasanmi?”, deb yozdi u X ijtimoiy tarmog‘ida.
U postga filmdan olingan kadrlar bilan Tesla kompaniyasining yangi mahsulotlaridan suratlarni qiyosiy kollajni sifatida ilova qildi:
“Men robotman” filmidagi voqealar 2035-yilda Chikagoda bo‘lib o‘tadi. Hikoyada odamsimon robotlar jamiyatning to‘laqonli aʼzosi sifatida tasvirlanadi: ular davlat xizmatida o‘rin egallaydi, ijtimoiy sohalarda faoliyat olob boradi va shu bilan birga robototexnikaning uchta asosiy qonuniga muvofiq harakat qiladi. Unda aktyor Uill Smit bosh rolni ijro etgan. Film 2005-yilda “Oskar” mukofotining eng yaxshi vizual effektlar nominatsiyasida nomzod bo‘lgan.
Milliarder Maskning plagiatda ayblanishi birinchi holat emas. 2019-yilda Tesla kompaniyasining Cybertruck elektromobili Pol Verxovenning “Xotirala og‘ushida” (“Total recall”) filmidagi avtomobilga qiyoslangan edi.
Izoh (0)