“Manchester Yunayted”ning egalaridan biri hisoblangan Britaniyaning Ineos kompaniyasi “qizil iblislar”ning sobiq bosh murabbiyi, klub elchisi lavozimini egallab turgan Aleks Fergyuson bilan shartnomani bekor qilishga qaror qildi. Bu haqda Athletic nashri xabar bermoqda.
Manbaga ko‘ra, Fergyuson klubning “faxriy” direktori bo‘lib qoladi va “Manchester Yunayted”ning o‘yinlariga doimiy taklif etiladi. Shotlandiyalik murabbiy 26 yil davomida “Manchester Yunayted”ni boshqargan va shu vaqt ichida klub uchun rekord darajadagi sovrinlarni qo‘lga kiritgan. Uning davrida klub 13 marta Premyer Liga bosh sovrini va 2 marta Chempionlar ligasi g‘olibligini qo‘lga kiritgan.
Qiziqarlisi, “Manchester Yunayted” Fergyuson davrida o‘zining 100 yillik tarixidagidan ko‘proq sovrin yutgan. Hozirgi paytda “qizil iblislar”ga ayni damda Erik ten Hag ustozlik qilmoqda.
Joriy mavsumda jamoa 7 uchrashuvda 8 ochko to‘plagan holda 14-o‘rinda bormoqda.
Izoh (0)