Qozog‘iston Xitoy bilan umumiy qiymati qariyb 1,25 trillion tengelik (taxm. 2,5 mln dollar) uran oksidi yetkazib berish bo‘yicha shartnoma tuzishini ma’lum qildi.
Mazkur masala 15-noyabr kuni bo‘lib o‘tadigan aksiyadorlarning navbatdan tashqari umumiy yig‘ilishida muhokama qilinadi.
“Kazatomprom” Xitoyning CNNC Overseas va China National Uranium Corporation kompaniyalariga (ikkisi ham Xitoy milliy yadroviy korporatsiyasining yadroviy milliy kompaniyasi tarkibiga kiradi) bozor shartlarida uran konsentratini yetkazib beradi. CNNC Xitoydagi AESlarning asosiy operatori bo‘lib, atom energetikasi va texnologiyasini rivojlantirish, atom elektr stansiyalarini qurish va yadro yoqilg‘isini ishlab chiqarish bo‘yicha ishlanmalar bilan shug‘ullanadi.
Tomonlar o‘rtasida allaqachon kelishuvga erishilgan, ammo bitimni tuzish masalasi yig‘ilishga qoldirilgan, chunki Qozog‘iston qonunchiligiga ko‘ra, u aksiyadorlar tomonidan ma’qullanishi kerak. Bu summa aktivlarning umumiy balans qiymatining 50 foizdan ortig‘ini tashkil etadi.
Uchrashuv 15-noyabr kuni Ostona shahrida bo‘lib o‘tishi kutilmoqda. Agar aksiyadorlar kvorumga erisha olmasa, yig‘ilish 18-noyabrga ko‘chiriladi.
Joriy yilning 1-iyul holatiga ko‘ra, “Kazatomprom” aksiyalarining nazorat paketi (75 foiz) “Samruk-Kazina” orqali Qozog‘iston hukumatiga tegishli bo‘lib, 24,34 foiz ulushning nominal egasi Citibankdir. Kompaniyaning birinchi yarim yillikdagi sof foydasi 27,4 foizga oshib, 283,2 milliard tengega yetdi. Daromad 13,3 foizga oshib, 701,1 milliard tengega yetdi.
Hisobot davrida “Kazatomprom” uran oksidi sotish hajmini 18 foizga, ya’ni 9,5 ming tonnadan 7,8 ming tonnagacha kamaytirgan. Ishlab chiqarish hajmi yiliga 6 foizga oshib, 10,8 ming tonnani tashkil etgan. Guruh va “Kazatomprom” operatsiyalari bo‘yicha o‘rtacha sotish narxi o‘tgan yilga nisbatan mos ravishda 41 foiz va 34 foizga oshgan.
Izoh (0)