Xonanda Zohida Umarova “Hayot TV” YouTube kanaliga bergan intervyusida kelini, madaniyat vaziri Ozodbek Nazarbekovning qizi Zinnuraning kuchli ovoz sohibasi ekanligi haqida gapirdi.
— Zinnura bilan karaokega borgandik. U qo‘shiq aytsa, istalgan xonandani sindirib qo‘yadi. Kelinimning ovoz texnikasi dunyolarcha. Qizim, nega siz qo‘shiq aytmaysiz desam, yo‘q, ayajon men qo‘shiq aytmay qo‘ya qolay, deydi. Yorqinxo‘ja bir kuni menga ularning qiroat qilganlaridan bir parcha videoni tashladi. Ishoning, boshqa qo‘shiq aytmayman dedim. Kelinimning o‘zlariga ham aytdim, “yo‘q, men sizdan uyalaman”, dedi. Hayron qoldim ularning qiroatiga. Kelinim O‘zbekistondagi eng yaxshi qoriya qiz-ku, dedim.
Bundan tashqari, YouTube kanal boshlovchisi Zinnurani ham suhbatga tortib, “Qaynonangizning qaysi odatlarini yomon ko‘rasiz?”, deb savol bergan.
— Ularning yomon odatlari yo‘q, chunki ularni ona deb qabul qilganman. O‘zimning onamni qanday qilib yomon ko‘rishim mumkin? Ular onam bo‘lganlari uchun hamma odatlarini yaxshi qabul qilaman. Ko‘pchilik tanishlarim mendan “Qaynonang qanaqa?”, deb so‘rashsa ham “Qaynona demanglar, iltimos, ular mening onam”, deb javob beraman”, deydi Zinnura Nazarbekova.
“Alloh qaysidir yaxshi xislatimga shu qizni menga kelin qilib berdi. Hamma narsadan cheklanib aytyapman. Otasi, onasi, akasi, ukasi — men ularni tanimayman. Men Zinnuraoyni taniyman”, deydi Zohida Umarova kelini haqida.
Izoh (0)