Shunday filmlar borki, ekrandan ko‘z uzmay tomosha qilasiz. Film xotimasi ham ko‘plab savollarga ko‘mib qo‘yadi — qayta-qayta tomosha qilgach, yakunni tushunganday bo‘lasiz. Biroq u ham noto‘g‘ri bo‘lishi mumkin.
“La’natlanganlar oroli”
Dekoratsiyalar, qiziqarli syujet va yorqin aktyorlar tarkibi har bir kino ixlosmandining e’tiborini tortadi. “La’natlanganlar oroli”da Teddi Deniyels va Chak Oul kabi bosh qahramonlar qochib ketgan bemorni topish uchun orolda joylashgan ruhiy kasalliklar shifoxonasiga kelishadi. Vaqt o‘tishi bilan Teddi hamma narsa bir qarashda tuyulganidek oddiy emasligini tushunadi. Keyinchalik u ham ruhiy kasallar klinikasining bemori ekanini anglaydi.
Erkak dahshatli fojiani boshidan kechirgan va buni unutish uchun o‘ziga yangi shaxsiyat o‘ylab topgan. Ma’lum bo‘lishicha, bu tajriba Endryu ustida ilk bor o‘tkazilmagan ekan va u haqiqatan ham tuzalgan, ammo faqat vaqtinchalik, chunki kasallik tez orada qaytalanadi. Bu safar Endryu butunlay sog‘ayib ketgandek ko‘ringan edi, biroq film oxirida u Chakka hali ham kasal ekanligini bildiradi. Oul bosh shifokorga Endryu tuzalmaganini ishora qilib, uni lobotomiyaga olib borishdi. Ammo bundan oldin Endryu Chakka shunday dedi: “Nima deb o‘ylaysan: maxluq bo‘lib yashash yaxshiroqmi yoki inson bo‘lib o‘lish?” Bu so‘zlardan so‘ng Chak qotib qoladi va keyingi qadamini bilmay qoldi. Bu gaplar tomoshabinlarga Endryu aslida sog‘ayganini, ammo o‘z bolalarining qotili bo‘lgan xotinini o‘ldirganini eslash azobida yashashni istamagani uchun o‘lishni tanlaganini aniq ko‘rsatib beradi.
Ko‘rinishdan deyarli aniq bo‘lgan yakunga qaramasdan, ko‘plab tomoshabinlar Endryu hali ham sog‘aymaganiga va uning so‘zlari Teddi nomidan aytilganiga ishonishadi.
“Qora ritsar: Afsona tiklanishi”
-J8jOCiLh.avif)
Kristian Beyl tomonidan ijro etilgan Betmen o‘z vaqtida tomoshabinlar orasida ijobiy taassurot qoldirgan. Aktyor o‘z rolini shunchalik mohirona uddalaganki, keyinchalik yana ikkita qism suratga olinadi. Studiya filmni davom ettirishni istaydi, biroq Kristofer Nolan g‘oyalar yetishmasligi sababli to‘rtinchi qismni suratga olishni xohlamaydi. Kristian Beyl esa Kristofer Nolansiz ishlashdan bosh tortadi. Shu bois trilogiya bilan cheklanishga qaror qilinadi. Uchinchi qismda tomoshabinlar ko‘zlarida yosh bilan Betmenni kuzatishdi, u shaharni qutqarish uchun o‘zini qurbon qilishga qaror qildi.
Film so‘ngida Albert Florensiyada Bryusni Selina bilan birga ko‘radi. Do‘stlar bir-biri bilan xayrlashadi. Ammo ba’zi muxlislarni bu lahza tinch qo‘ymadi. Ayniqsa, Kristian Beylning o‘zi bu sahnaning haqiqatligini shubha ostiga qo‘yganidan keyin ular yanada faollashdi. Ba’zi tomoshabinlar Alfred aqldan ozgan va Bryus Ueynni ko‘rishni xohlagan, deb taxmin qiladi. Biroq Alfred Selina bilan Bryusning munosabatlaridan xabardor emasdi va Selinaning taqinchog‘i haqida ham bilmasligi kerak edi. Bundan tashqari, filmning so‘nggi daqiqalarida ko‘rsatilgan boshqa jihatlar Bryus Ueyn omon qolganini ko‘rsatadi va bu taxmin yo‘qqa chiqadi.
“Matritsa: inqilob”
-Wj0kr2Tv.avif)
“Matritsa” filmini tomoshabinlarga opa-singil Vachovskilar taqdim etgan. Bu loyihaga byudjet topish oson bo‘lmagan. Ammo yakunda Vachovskilar birinchi qismni afsonaviy darajaga ko‘tarishdi va yana ikki muvaffaqiyatli davomini ham yaratishdi. Shuningdek, ular bullet-time texnikasini ham rivojlantirishdi.
Film avvvalidada bosh qahramon o‘zining “tanlangan” ekanini va atrofidagi hamma narsa simulyatsiya ekanini bilib qoladi. Mashinalar allaqachon insoniyatni yenggan va hozirda odamlarni energiya manbayi sifatida ishlatmoqda. Tomas Anderson, keyinchalik Neo deb tanilgan qahramon, haqiqiy dunyoga chiqib, insoniyatni qutqarishga harakat qiladi. Oxirida ular g‘alabaga erishishadi, lekin ko‘plab muxlislar Zionning ham matritsa ekanini taxmin qilishadi. Buni “tomoshabinlar noto‘g‘ri tushungan final” deb bo‘lmaydi, chunki Vachovskilar Zionning matritsa emasligiga qat’iy ishonishgan. Lekin ko‘plab faktlar aksini ko‘rsatadi.
Masalan, haqiqiy dunyoda Neo faqat o‘y kuchi bilan mashinalarni to‘xtatib, ularni yo‘q qiladi. Ko‘zi ko‘rmagnida ham Smit bilan jang qilib, ko‘zi bog‘liq bo‘lsa-da ko‘rib turadi. Bu yoki Neo biror sehrgar, yoki u hali ham matritsa ichida bo‘lganini ko‘rsatadi. Bundan tashqari, ushbu nazariyani qo‘llab-quvvatlovchi ko‘plab dalillar bor.
“Yopiq”
-GdLEBSAt.avif)
Jordan Pil zamonaviy kinematografiyaning eng istiqbolli rejissyorlaridan biridir. Har bir filmida u afroamerikaliklarning dolzarb muammolarini ko‘tarishga harakat qiladi. Bunga “Qora klan a’zosi”, “Biz” va “Yopiq” filmlari misol bo‘la oladi. Pil filmlarida avvalo qora tanli aktyorlarga asosiy rollarni beradi, shundan keyingina oq tanli aktyorlarni ikkinchi darajali rollarga oladi, bu esa ba’zilar tomonidan irqchilik deb baholanadi.
“Yopiq” trillerida bosh qahramon Kris sevgilisi bilan ota-onasining oldiga boradi. U yerda sevgilisi va uning oilasi afroamerikaliklarning tanalariga o‘z ajdodlarining ruhini o‘tkazish bilan shug‘ullanishini bilib qoladi. Bu dahshatdan Kris aqlini yo‘qotay dedi. Ammo u yo‘lini topib, qochib ketadi. Lekin qochishdan oldin hammasini o‘ldiradi, bu esa uni qurbon emas, balki jinoyatchiga aylantiradi.
Yakunda Kris politsiya qo‘liga tushadi va ommaviy qotillik uchun qamoqqa tashlanadi. Uning hikoyasiga hech kim ishonmaydi va shu sababdan u umrining oxirigacha qamoqning to‘rt devori ichida qoladi. Shu orqali Jordan Pil irqchilik mavzusini ko‘taradi, ya’ni Kris qora tanli bo‘lgani uchun hech kim unga ishonmaydi.
Izoh (0)