Acıbadem shifoxonalari tarmog‘ida ko‘krak bezi saratonini davolashga kompleks yondashuv

Istanbuldagi ko‘krak bezi saratonini kompleks davolash markazi bemorlarni tuzalib ketgunga qadar qo‘llab-quvvatlab, barcha kerakli davolash usullarini va ekspert mutaxassislar tomonidan tibbiy yordamni taklif etadi.

“Saratonning 200 dan ortiq turlari mavjud bo‘lib, ular asosiy guruhlarga bo‘lingan. Hujayralar nazoratsiz o‘sishni boshlaganda va bu jarayonda to‘xtamasa, shish paydo bo‘ladi. Ba’zan ular asl joydan ajralib, tananing va organlarning boshqa qismlariga: jigar, o‘pka, suyaklar yoki miyaga tarqaydi, o‘sishda davom etadilar. Buni metastaz berish deb ataladi. Ko‘krak bezi saratoni o‘smaning faqat bir turi, ammo u butun dunyoda eng keng tarqalgan hisoblanadi. Har yili taxminan 2,3 million odamda, asosan, ayollarda kasallik tashxisi qo‘yiladi», - deydi ko‘krak bezi saratoni tashxisi va davolash bo‘yicha mutaxassis, professor Metin Chakmakchi.

Professor Metin Chakmakchi.

Ko‘krak bezi saratoniga batafsil tashxis qo‘yilishi va samarali davolash

Bemor ayol Acıbadem shifoxonasiga ko‘krak bezi saratonini davolash uchun kelganida, mutaxassislar tomonidan to‘liq jismoniy tashxis qo‘yiladi, so‘ngra rentgen tekshiruvidan o‘tadilar. Vaziyatga qarab, ko‘krak ultratovush tekshiruvi, mammografiya yoki MRT buyurilishi mumkin. Agar g‘ayritabiiy shikast aniqlansa (zichlanish, quyqa, kalsifikatsiya), xuddi shu kuni punksiyali biopsiya amalga oshiriladi. Patologoanatomik tadqiqot natijalari odatda 2-3 kun ichida qaytib keladi va bemorda ko‘krak bezi saratoni bor yoki yo‘qligi aniq bo‘ladi. Bundan tashqari, saraton chiqmasa ham, mutaxassislar boshqa organlar va to‘qimalarda metastazlar bor-yo‘qligini bilish uchun tashxis o‘tkazadilar. Ushbu axborotning barchasini hisobga olgan holda, bemor uchun individual va optimal davolash strategiyasi belgilanadi.

Ikkinchi tarafdan, bemorga o‘z mamlakatida ko‘krak bezi saratoni tashxisi qo‘yilgan bo‘lsa va barcha kerakli testlar tugallangan va tasdiqlangan bo‘lsa, uning Istanbulga kelishidan oldin butun davolash siklini rejalashtirish mumkin.

Acıbadem shifoxonasida ko‘krak saratonini qanday davolaymiz

Ko‘krak bezi saratoni kasalliklarini davolashning uchta asosiy usuli mavjud: jarrohlik, tizimli dori terapiyasi va nur terapiyasi. Ko‘pincha bunday tashxis qo‘yilgan bemorlar uchun ushbu usullarning barchasini qo‘llash zarur bo‘ladi. Biroq, har bir bemorning saratoni o‘ziga xos bo‘lganligi sababli, davolash strategiyasi kasallikning turi, bosqichi va genetikasi asosida tanlanadi.

• Tizimli terapiya - umumiy atama bo‘lib, u kimyoterapiya, immunoterapiya, maqsadli terapiya va gormonal terapiyani o‘z ichiga oladi va og‘iz orqali yoki tomir ichiga yuborish uchun buyuriladi. Bugungi kunda ko‘krak bezi saratonining har xil turlarini davolash uchun yuqori samarali va maxsus dorilar mavjud.
• Jarrohlik kasallikning dastlabki bosqichida kasallikni davolashning asosiy va birinchi usuli hisoblanadi. Biroq, saratonning keyingi bosqichlarida yoki o‘ziga xos retseptorlari bo‘lgan o‘smalar uchun odatda operatsiyagacha dori terapiyasi amalga oshiriladi. Ko‘pgina bemorlar uchun ko‘krak bezini saqlab qolgan holda operatsiya varianti mavjud bo‘lib, u butun ko‘krakni olib tashlash o‘rniga o‘smani o‘rab turgan sog‘lom to‘qimalarning xavfsiz chegarasi bilan olib tashlashni o‘z ichiga oladi.
• Nur terapiyasini ko‘pincha jarrohlikdan so‘ng qolgan saraton hujayralariga ta’sir qilish uchun o‘tkaziladi. Acıbadem shifoxonasida bemorlar katta afzalliklarga ega: ular zamonaviy chiziqli tezlatgichlar yordamida nur terapiyasidan o‘tadilar, bu esa xavfsizlik va samaradorlikning eng yuqori darajasini kafolatlaydi. Qo‘llaniladigan nur terapiyasining turi o‘smaning kattaligi va uning ko‘krakni qanchalik qamrab olgani, qo‘ltiq yoki limfa tugunlariga tarqalishi kabi omillarga bog‘liq.

  

O‘smani olib tashlash operatsiyasidan keyin ko‘krakning avvalgi tashqi ko‘rinishini saqlab qolish

Ko‘krak bezi saratoni tashxisi qo‘yilgan ayollar uchun eng yomon oqibatlardan biri mastektomiya bo‘lib, u bir yoki ikkala ko‘krakni olib tashlashni o‘z ichiga oladi. Bu ayollar uchun jabrli muammo bo‘lishi mumkin. Acıbadem shifoxonalari tarmog‘ida esa biz ko‘krakni saqlashga ustuvor ahamiyat beramiz, albatta, bemor uchun buning imkoni bo‘lsa. Biz ularning chegarasini va tashqi ko‘rinishini saqlab, ko‘krak bezini himoya qilishga intilamiz. Agar o‘smaning kattaligi yoki ko‘krakning o‘zi tufayli ko‘krakni saqlash operatsiyasiga imkon bo‘lmasa va sut bezlarini olib tashlash zarur bo‘lsa, mastektomiyadan so‘ng darhol va xuddi shu seans chog‘ida jarroh avvalgi shaklni tiklaydi. Shunday qilib, ayol operatsiyadan so‘ng uyg‘onganida ko‘kragini kuzatadi.

Ko‘krak bezi saratonini davolashga ixtisoslashgan shifoxona

Acıbadem shifoxonalar tizimining ko‘krak bezi saratonini davolash bo‘yicha ixtisoslashgan markazi har bir bemorga o‘ziga xos ehtiyojlariga qarab individual davolanishni ta’minlaydi. Ushbu protseduralarni mutaxassislarning kompleks jamoasi rejalashtiradi, amalga oshiradi va nazorat qiladi. Bular ko‘krak jarrohi, onkolog-terapevt, rentgenolog, plastik jarroh, onkolog-radiolog, patolog va yadroviy tibbiyot mutaxassisidir.

Acıbadem markazi barcha xizmatlar va mutaxassislarni bir joyda birlashtiradi, ya’ni bemor tashxis va davolash uchun bir nechta joylarga tashrif buyurishi shart emas. «Shifoxonamizda shifokorlar binoning bir sektoridagi kabinetlarda ishlab, ko‘krak bezi saratoniga tashxis qo‘yadi va davolaydi. Bu muhim: bemorlarga shifoxona ichida yoki undan tashqarida uzoq masofa bosmasdan, barcha zarur mutaxassislarga bir joyda ko‘rinishlari mumkin. Bundan tashqari, shifokorlar bir-birlari bilan to‘g‘ridan-to‘g‘ri muloqot qilishlari mumkin va bu ham qimmatlidir, chunki, odatda, masofa ko‘pincha muloqotni qiyinlashtiradi yoki xatolarga olib keladi. Bu yaqin hamkorlik oxir-oqibat bemorlarga naf beradi», - deydi ko‘krak saratoni tashxisi va davolash bo‘yicha mutaxassis, professor Metin Chakmakchi. Bundan tashqari, shifokorlar kabinetlari joylashgan yo‘lakda mammografiya, ultratovush tekshiruvi va biopsiya xonalari mavjud. Bularning barchasi bemorlar uchun tashxisning butun jarayonini osonlashtiradi, qulayroq va samaraliroq qiladi.

Acıbadem shifoxonasida nafaqat shifokorlar, balki hamshiralar ham ko‘krak bezi saratoni sohasida ixtisoslashgan va bu bemorlarni davolashda hal qiluvchi ahamiyatga ega. Acıbadem shifoxonasining ko‘krak bezi saratoni bo‘limida har bir bemor davolanishning barcha bosqichlarida ularga hamrohlik qiluvchi tayinlangan hamshiralar tomonidan yaqindan nazorat qilinadi. Agar shoshilinch savollar yoki muammolar yuzaga kelsa, bemorlar sutkaning istalgan vaqtida o‘z hamshiralariga murojaat qilishlari mumkin. Acıbadem shifoxonalar tarmog‘ida biz ko‘krak bezi saratoniga chalingan bemorlarga avaylab g‘amxo‘rlik qilamiz. Bu yerda dunyoga mashhur mutaxassislar jamlangan, ilg‘or texnologiyalar qo‘llanilmoqda, bemorga yo‘naltirilgan zamonaviy yondashuvlar qo‘llanilmoqda. Yuqori darajadagi jamoaviy ish kasallikni tashxislash va davolash samaradorligini oshirishga katta hissa qo‘shmoqda.

Ko‘krak bezi saratoniga chalingan yosh bemorlar xotiralarimizda alohida o‘rin tutadi

Professor Metin Chakmakchining ta’kidlashicha, ko‘krak saratonini juda yoshlik chog‘da aniqlash mumkin. “Bizda juda yaxshi natijalar, ilhomlantiruvchi hikoyalar va juda baxtli bemorlar bor. Ko‘krak bezi saratoni holatlarining aksariyati 40 yoshdan keyin sodir bo‘ladi va yosh o‘tgan sari kasallak ehtimoli ortadi. Ammo bu 30, 25 yoki hatto 20 yoshda ko‘krak bezi saratoni istisno qilinishini anglatmaydi. Bizga juda erta yoshda kelgan bemorlar bor, ammo davolanishdan so‘ng darddan xalos bo‘lishadi. Zamonaviy tibbiyot ularga homilador bo‘lish, bola tug‘ish, oila tuzish va to‘liq hayot kechirish imkonini beradi. Ko‘krak bezi saratonini davolashdan keyin tuzalib, oila qurgan ko‘plab yosh bemorlar to‘g‘risida yaxshi hikoyalar mavjud. Bunday xotiralar esa mening yodimda doimo alohida o‘rin tutadi”.

Turkiyadagi Acıbadem shifoxonalarida davolanishga oid o‘zingizni qiziqtirgan barcha savollar yuzasidan Acıbademʼning Toshkent va Samarqanddagi vakolatxonasiga murojaat qilishingiz mumkin:

Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.

Telefon: +998 95 144 54 45

Samarqanddagi vakolatxonamizning manzili: Samarqand shahri, Mirzo Ulug‘bek 140.

Telefon: +998 66 234 41 71

Buxorodagi vakolatxonamizning manzili: Akademik I. Muminov ko‘chasi, 7.

Telefon: +998 55 311 54 44

Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru

Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook vа Instagram sahifalariga aʼzo bo‘lishingiz mumkin.

Reklama huquqi asosida.