Joriy yil boshida Toshkent viloyatida jami aholining 10,2 foizini kambag‘al oilalar tashkil etgan. Bu haqda Ijtimoiy himoya milliy agentligi axborot xizmati xabar bermoqda.
Toshkent viloyatida “Kambag‘allikdan – farovonlik sari” dasturi doirasida bajarilgan ishlar muhokama qilingan. Unda aytilishicha, viloyatda aholining 10,2 foizini kambag‘al oilalar tashkil etgan bo‘lsa, yil yakunida 7 foizga tushishi kutilmoqda.
Bugun hududda 63 ming 9 ta kambag‘allik darajasidagi oilalar mavjud. Endilikda, viloyatda rahbarlar haftaning juma kunida o‘ziga biriktirilgan kambag‘al oilalarda bo‘lib, ular bilan suhbatlashadi, berilgan imtiyoz va imkoniyatlarni tushuntiradi, — deyiladi agentlik axborotida.
Oktyabr oyidan boshlab kambag‘al oilalar reyestri shakllantirilmoqda. Kelasi yil 1-yanvardan kambag‘al oilalar farzandlari davlat maktabgacha ta’lim tashkilotlariga imtiyozli asosda qabul qilinadi.
Prezident farmoniga ko‘ra, 2024-yilning qolgan davrida 500 ming, 2025-yilda 1 million nafar aholini kambag‘allikdan chiqarish davlat ijtimoiy-iqtisodiy siyosatining hamda barcha darajadagi davlat organlari va tashkilotlarining birinchi darajali vazifasi etib belgilangan.
BMT Taraqqiyot dasturining O‘zbekistondagi doimiy vakili boy va kambag‘al qatlam o‘rtasidagi farqni kamaytirish uchun korrupsiyaga yo‘l qo‘ymaslik kerakligini aytgan edi.
Izoh (1)
Men ham kam ta‘milangan oilalar ro‘yhatida turama. Ikki farzandim bor. Bir farzandimi nogiron. Hozirda Tosh vil Bo‘stonlik tuman Azadbosh qishlog‘ida ijarada turamiz. Besh yoshli o‘g‘limni shu yerdagi davlat bog‘chasiga joylashmoqchi bo‘lib borgandim birinchi oyiga besh yuz ming so‘m berasiz, ikki yuz ming shapkasi, yuz ming navbatsiz joylashgani uchun, ikki yuz ming oylik to‘lov, keyingi oydan navbati kelgunicha uch yuz mingdan berasiz dedi. Mana uch oydan beri navbat kutyapmiz men kasal qizim bn ovoraman o‘g‘lim qarovsiz qolyapti.