Yevrokomissiya (YK) prezidenti Ursula fon der Lyayen va Yevropa parlamentidagi Yevropa xalq partiyasi fraksiyasi rahbari Manfred Veber Vengriyaning qonuniy hukumatini ag‘darib, uning o‘rniga “qo‘g‘irchoq hukumat”ni o‘rnatish niyatida.
Bunday fikrni Vengriya bosh vaziri Viktor Orban Kosut radiostansiyasi efirida bildirgan.
“Yevropa komissiyasi prezidenti Ursula fon der Lyayen va Yevropa xalq partiyasi rahbari Manfred Veber suveren Vengriya hukumatini ag‘darib, uning o‘rniga Bryussel uslubidagi ma’muriyatni qurishga intilmoqda”, dedi Orban.
Bosh vazirning so‘zlariga ko‘ra, Yevropa komissiyasi raisi uning o‘rniga muxolifatdagi “Demokratik koalitsiya” partiyasi aʼzosi Klara Dobrevni qo‘ymoqchi, Yevropa xalq partiyasi rahbari esa “Tisza” muxolifat partiyasi yetakchisi Piter Madyarni Vengriya hukumati tepasida ko‘rishni istamoqda.
Orbanning fikricha, bu siyosatchilarning har ikkalasi ham Ukrainadagi urushga aralashish bo‘yicha “Bryussel talablarini bajarishga tayyor”. Shuningdek, ular noqonuniy migrantlarning cheklovsiz kirishini ma’qullash orqali Yevropa Ittifoqining migratsiya siyosatini qo‘llab-quvvatlashga hamda “iqtisodiy va savdo urushlarida qatnashish”ga rozilar.
Izoh (0)