Karmana tumani hokimi Valijon Adizov Ish faoliyati davomida yo‘l qo‘ygan xato va kamchiliklari, o‘ziga yuklatilgan lavozim majburiyatlarini lozim darajada bajarmay kelgan. Bu haqda Navoiy viloyat hokimi farmoyishida bayon etilgan.
Tuman hokimi Valijon Adizov Mehnat kodeksining 312-moddasi (ntizomiy jazo choralari) birinchi qismining 1-bandiga asosan “hayfsan” intizomiy jazo chorasi qo‘llanilgan. Bunga Valijon Adizovning viloyat hokimi nomiga yozgan tushuntirish xati asos qilingan.
Valijon Adizov joriy yilning yanvar oyida Karmana tumani hokimi etib tayinlangan. U bunga qadar Raqobatni rivojlantirish va iste’molchilar huquqlarini himoya qilish qo‘mitasining Navoiy viloyati hududiy boshqarmasi boshlig‘i o‘rinbosari lavozimida ishlab kelgan.
Iyul oyida Karmana tumanida 5 nafar mas’ul shaxs 2023-yil kuzi va 2024-yil bahor mavsumi davomida ekilgan daraxt ko‘chatlari parvarishiga e’tibor qilinmagani, sug‘orilmagani, agrotexnik tadbirlar amalga oshirilmagani uchun jarima tortilgandi.
Izoh (0)