O‘tgan yillar Dubayning valiahd shahzodasi Muhammad ibn Rashid Al Maktum arab dunyosining eng kelishgan bo‘ydog‘i hisoblangan. Biroq hozirda u oilali. Yaqin Sharqda boshqa havas qilsa arziydigan kuyovlar ham bor. Quyida BAA, Qatar, Bahrayn, Kuvayt va Iordaniyaning eng istiqbolli shahzodalar haqida ma’lumot beramiz.
Shayx Humayd ibn Ammar al-Nuaymiy
Shayx Humayd Ajman amirligi valiahd shahzodasi Oliy hazratlari shayx Ammar ibn Humayd al-Nuaymiyning to‘ng‘ich o‘g‘li. U 2020-yilda Buyuk Britaniya Qirollik harbiy akademiyasini tamomlagan.
Boshqa qirollik naslidan bo‘lgan arab merosxo‘rlari kabi shayx Humayd ham ko‘plab sport turlari bilan shug‘ullanadi — kamonda o‘q otishdan tortib suvosti ovigacha. Shu bilan birga, yosh shahzoda tez-tez rasmiy tadbirlarda ishtirok etadi va arab dunyosining yuqori martabali arboblari bilan muloqot qiladi.
Shayx Jobir Sa’d al-Asbi al-Saboh
Shayx Jobir Sa’d al-Asbi al-Saboh Kuvayt qirollik oilasining a’zosi. Britaniya Qirollik harbiy akademiyasida o‘qiyotganda leytenant unvonini olgan. 2023-yil 14-aprelda esa Jobir Sa’d o‘zlashtirishi bo‘yicha eng yaxshi xorijiy talaba sifatida “Kollej sardori” medalini qo‘lga kiritgan birinchi kuvaytlik bo‘ldi. Faxriy mukofotni unga qirol Charlz III ning o‘zi topshirdi, bu butun Kuvayt uchun faxrlanish uchun alohida sabab bo‘ldi.
Shuningdek, Kuvayt qirollik oilasi merosxo‘ri 2021-yilda Oregon shtatidagi Portlend davlat universitetini ham tamomlagan.
Shayx Xolid ibn Mansur ibn Ahmad Ol Soniy
Shayx Xolid ibn Mansur — Qatarning sobiq amiri, shayx Ahmad ibn Ali Ol Soniy va shayx Maryam bintu Rashid ibn Said Ol Maktumning nabirasi bo‘lib, onasi Dubayning hozirgi hukmdori Shayx Muhammad ibn Roshid Ol Maktumning singlisi hisoblanadi. Xullas, u butun Sharq bo‘ylab boy qarindoshlik aloqalariga ega.
Shayx Xolid ibn Mansur Zayd harbiy kollejini 2018-yilda tamomlagan. U investitsiya va tadbirkorlik bilan shug‘ullanadi, shuningdek, dunyoning turli burchaklariga sayohat qilishni juda yaxshi ko‘radi — Yevropaning shinam shaharchalaridan tortib, juda kam odam boradigan eng ekzotik tabiiy joylargacha.
Shayx Iso ibn Abdulla ibn Hamad Ol Xalifa
1999-yilda tug‘ilgan bu yigitning bobosi Bahrayn qiroli. Taxt vorisi boshlang‘ich va o‘rta ta’limni o‘z vatanida olgan, so‘ngra Amerika Qo‘shma Shtatlaridagi universitetga o‘qishga kirgan.
Bugungi kunda Shayx Iso avtosport bo‘yicha professional sportchi va Bahrayn qirollik oilasining professional sport ta’limini olgan birinchi vakilidir. Qirolning nabirasiga “2seas” avtosport jamoasi ham tegishli.
Shahzoda Muhammad ibn Talal
Iordaniya shahzodasi Muhammad ibn Talal — Iordaniya shahzodasi Talal ibn Muhammad va malika Gida Talalning kenja o‘g‘lidir. Albatta, u saroyda yuqori mavqega erishishi amrimahol, biroq yosh yigit o‘zining xayriya ishlari (qirol Husayn nomidagi onkologiya markazida volontyor) va oilasiga, ayniqsa, oilasidagi ayollarga bo‘lgan mehr-muhabbati tufayli obro‘si oshib bormoqda. U singlisi va onasi bilan tushgan suratlarini e’lon qilib turadi.
Bundan tashqari, shahzoda Muhammad yaqinda Vashingtondagi Jorjtaun universitetini tamomlagan. Shuningdek, u ajoyib chavandoz bo‘lib, ko‘plab musobaqalarda qatnashgan.
Izoh (0)