Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola qilamiz.
Dilfuza Ismoilova to‘y xizmatida hamkasbi Hamdam Sobirov bilan uchrashib qolgani aks etgan videoni sahifasiga joyladi. Ular suhbat davomida birgalikda yangi ijod namunasi ustida ish olib borayotgani haqida aytib o‘tishdi.
“Bravo” kulgi jamoasi aktyori Umid Umarov yangi suratiga hazilomuz izoh yozib qoldirdi.
8-oktabr kuni 16 yoshni qarshi olgan instabloger Erali Boyqobilovga homiylar tomonidan yangi qurilayotgan turar joy majmuasidan 1 xonali xonadon sovg‘a qilindi.
Ilk bor ona bo‘lish arafasida turgan vayner Xonzoda Do‘stova yangi surati bilan kuzatuvchilariga ko‘rinish berdi.
O‘zbekiston xalq artisti Zulayho Boyxonova ayni paytda gastrol safari bilan Xitoyda bo‘lib turibdi.
Turkiyaga kelin bo‘lgan aktrisa Nargiza Salmonova Toshkentga keldi. U yangi serialda suratga tushmoqda.
Ijtimoiy tarmoqlarda faol bo‘lmagan aktrisa Jamila G‘ofurova yangi surati bilan folloverlariga ko‘rinish berdi.
Ikkinchi marta oila qurgan xonanda Ruxshona barcha hujjatlarida familiyasini o‘zgartirgani aks etgan surat bilan bo‘lishdi.
Xonanda Dildora Niyozova 8-oktyabr sanasida qizi Muslimaning tug‘ilgan kunini nishonladi. Uning hovlisida katta bayram tashkillashtirilib, Timur Rahmonov, Hamdam Sobirov, Manzura kabi estrada yulduzlari xizmatda bo‘lishdi.
Reper Shahriyor anorning hosildorlik ramzi ekanligi haqida post qoldirdi.
9-oktyabr kuni O‘zbekistonda xizmat ko‘rsatgan artist Ozoda Nursaidova 49 yoshni qarshi oldi. Shu munosabat bilan shou-biznesdagi yaqinlari, do‘stlari va oila a’zolari xonandaga syurpriz tashkillashtirishdi.
Izoh (0)