Saudiya Arabistonining 88 yoshli qiroli Salmon bin Abdulaziz al-Saud o‘pka yallig‘lanishidan aziyat chekmoqda. U 6-oktyabr kuni tibbiy ko‘rikdan o‘tdi. Bu haqda SPA axborot agentligi xabar berdi.
Qirol shifokorlarning tavsiyasiga asosan tibbiy ko‘rikdan o‘tgan, deyiladi Saudiya Arabistoni matbuot agentligi xabarida. May oyida qirol yuqori isitma, bo‘g‘imlardagi og‘riqlar va o‘pka yallig‘lanishi tufayli tibbiy ko‘rikdan o‘tgandi va antibiotiklar qabul qilgandi. U Jiddadagi saroyda davolangan.
Qirol Salmon 2015-yildan buyon dunyodagi eng yirik (xom)neft eksportchisi bo‘lgan mamlakatni boshqarib kelmoqda, biroq uning o‘g‘li, valiahd shahzoda Muhammad bin Salmon de-fakto boshqaruvchi sifatida ko‘riladi. 39 yoshli shahzoda Muhammad kundalik ishlarning aksariyatini yuritadi va taxt vorisligida navbatdagi nomzod hisoblanadi.
Izoh (0)