Qozog‘istonda Marburg virusi xavfi tufayli nazorat kuchaytirilmoqda. Bu haqda mamlakat Sog‘liqni saqlash vazirligiga tayanib, “KazTAG” xabar berdi.
Kasallikning respublikaga kirib kelishi va tarqalishiga yo‘l qo‘ymaslik maqsadida xalqaro aeroportlarda davlat chegarasida sanitariya-karantin nazorati amalga oshiriladi, barcha kelayotgan yo‘lovchilar kontaktsiz termometriyadan o‘tkaziladi, dedi respublikasi bosh davlat sanitariya vrachi Sarxat Beysenova.
Marburg virusi Ebola oilasiga mansub va klinik jihatdan unga o‘xshaydi. U gemorragik bezgakni keltirib chiqaruvchi virusli kasallikdir. Infeksiya kasallangan odamlarning biologik suyuqliklari bilan bevosita aloqa qilish, shuningdek, yuzalar va materiallar orqali yuqadi. Virus bilan og‘rigan bemorlarda kuchli bosh og‘rig‘i, qorin og‘rig‘i, burun va og‘izdan qon ketishi kabi alomatlar kuzatiladi. Virusdan o‘lim darajasi 88 foizga yetadi.
Marburg isitmasining tabiiy o‘choqlari Janubiy, G‘arbiy va Markaziy Afrika mamlakatlarida joylashgan. Kasallikning klinik belgilari virus yuqqanidan 2-21 kun o‘tgach namoyon bo‘ladi. Jahon sog‘liqni saqlash tashkiloti Marburg virusining global epidemiyasi xavfidan ogohlantirgan.
Izoh (0)