“Kavkaz asirasi yoki Shurikning yangi sarguzashtlari” filmidagi sportchi, komsomol va shunchaki sohibjamol Nina rolini ijro etgan sovet aktrisasi Natalya Varley hoira, qo‘shiqchi va teleboshlovchi sifatida ham tanildi. U bugungi kunda shaxsiy hayoti tafsilotlarini bo‘lishmaslikni afzal ko‘radi va kamdan-kam hollarda televizorda yoki ijtimoiy tadbirlarda ishtirok etadi.
Aktrisa filmlar va seriallardagi rollariga jiddiy yondashadi. Varley 2022-yilda “Kutib o‘tirmang” va “Bor ovozda” seriallari, shuningdek 2021-yilda “Sizning Lyusi xolangiz” mini serialida qatnashdi.
“Shunday artistlar borki, ular uchun qaysi loyihada suratga tushishlari muhim emas, asosiysi ekranga chiqish. Men bu borada boshqacha fikrga egaman. Ular: ‘Bekor bu filmda rol o‘ynabdi’ deyishidan ko‘ra, “Kavkaz asirasi”dagi Nina obrazida butun umrga eslab qolishlari yaxshiroq”, — degan edi aktrisa AiFu nashriga bergan intervyusida.
Aktirsning bir vaqtlar Moskva markazida uch xonali kvartirasi bor edi, u besh yil oldin uni sotib yuborgan va pulga ikkita kichikroq kvartira sotib olgan. Varley uylarning birida o‘zi yashaydi, ikkinchisini o‘g‘illaridan biriga berdi. Shuningdek, Natalya Vladimirovna poytaxtdan qirq kilometr uzoqlikdagi hovlida asosiy vaqtini o‘tkazadi. U mushuklarni yaxshi ko‘radi, bir vaqtning o‘zida 14 tasi uy hayvoni boqqan vaqtlar ham bo‘lgan.
2018-yilda aktrisa o'zining “Dor ustida yurib. Avtobiografiya” nomli xotira kitobini nashr etdi. Asarda u nafaqat o‘zi haqida, balki ko‘plab hamkasblari hayoti: Yuriy Nikulin, Georgiy Vitsin, Leonid Gayday, Nonna Mordyukova va boshqa aktyorlar haqida ham yozdi. Varleyning tan olishicha, uni ushbu kitobni nashr etishga yolg‘onlarga to‘la boshqa tarjimai hol asarlari sabab bo‘lgan.
“Sariq matbuot va vijdonsiz nashrlarga qarshi kurashishga kuchim yo‘q. Shuning uchun men hammasi aslida qanday sodir bo‘lganini o‘zim yozishim kerak, deb qaror qildim. Albatta, kitob hayotimning barcha jabhalarini qamrab olmagan va hamma voqealar to‘liq yoritilmagan, lekin men asosiy haqiqatlarni albatta yozdim”, — dedi Natalya Vladimirovna.
1980-yillarda aktrisa A.M. Gorkiy nomidagi Adabiyot institutida tahsil olgan. Kitob ustida ishlayotganda u nashriyot taklif qilgan adabiy yordamchilarni rad etdi va asarni mustaqil yozdi. Bundan tashqari, Natalya Varley hamon muxlislar bilan ijodiy uchrashuvlar o‘tkazadi, unda Varleyning she’rlari va ijro etgan qo‘shiqlari haqida suhbat quriladi. 2017-yil oktyabr oyida u o‘zining to‘rtinchi she’riy to‘plamini nashr etdi.
Natalya Varleyning o‘g‘li Aleksandr
Foto: Dzen
Yoshligida aktrisa mashq paytida oyoqlarini sindirib olgan va operatsiya qildirishga majbur bo‘lgan. Shundan so‘ng, Natalya Vladimirovna sog‘lig‘iga ko‘proq e’tibor bera boshladi. U har kuni tongda jismoniy mashq bajarishga va doimo harakatda bo‘lishga intiladi.
“Men Skandinaviya tayoqlari bilan yuraman. Uyda velo-trenajyorim ham bor”, — deydi u.
Natalya Varley uch marta turmush qurgan. Birinchi turmush rejissyor Nikolay Burlyaev bilan atigi bir yil davom etdi. Ikkinchi marta Natalya hamkasbi Vladimir Tixonovga turmushga chiqdi. Biroq bu nikoh ham uzoq davom etmadi. Vladimir giyohvand moddalarga qaram bo‘lib qoladi. U eriga giyohvandlikka qarshi kurashda yordam berishga harakat qiladi, ammo barcha urinishlari besamar ketadi. Shundan so‘ng aktrisa ajrashish uchun ariza beradi. Ushbu nikohda 1972-yilda uning katta o‘g‘li Vasiliy tug‘ilgan.
1985-yilda Natalya Vladimirovna ikkinchi o‘g‘li Aleksandrni dunyoga keltirdi, u o‘g‘lining otasi ismini oshkor qilmaydi. Aleksandr rejissyor va ssenariy muallifiga aylandi.
Izoh (0)