Farg‘ona viloyati Qo‘shtepa tumanida uyining darvozasi oldida turgan erkakni avtomobil urib yubordi.
Aniqlanishicha, 1994-yilda tug‘ilgan haydovchi Lacetti avtomobilini haydab ketayotganida boshqaruvni yo‘qotgan. Oqibatda uyining darvozasi oldida turgan 57 yoshli fuqaroga kelib urilgan, og‘ir tan jarohati olgan jabrlanuvchi voqea joyida vafot etgan.
Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Samarqand viloyati Kattaqo‘rg‘on tumanida Lacetti yuqori tezlikda kelib, oziq-ovqat do‘koniga urilgani haqida xabar berilgan edi.
Izoh (0)