AKFA mutaxassislari romlar uzoq yillar davomida xizmat qilish uchun inobatga olish bo‘lgan jihatlar haqida ma’lumot berishdi
Yangi oynalarni o'rnatish remontning eng muhim bosqichlardan biridir. Axir, romlar interyerning estetik ko‘rinishini ta’minlaydi hamda sovuq va issiq havodan samarali himoya qiladi.
Profil konstruksiyasi
Birinchi o‘rinda, rom profilining turini aniqlab olish kerak. Profil ichida havo kameralari mavjud. Kameralarning miqdori va tuzilishi shovqin va issiqlik izolyatsiyasiga ta’sir ko‘rsatadi. Metall-plastik profilning montaj kengligiga e’tibor qarating, biroq, u romning yakuniy narxiga salmoqli ta’sir ko‘rsatishini hisobga oling. Keraksiz xususiyatlarga ortiqcha to‘lov qilmaslik uchun vaziyatni baholang va o‘ylab ko‘ring.
Ishlab chiqaruvchidan, siz tanlagan romlarda butun konstruksiyaga mustahkamlik va ishonchlilik beruvchi armaturalash borligini so‘rab olish hamda u yaxshi sifatga ega ekanligiga ishonch hosil qilish zarur. Mutaxassislar Markaziy Osiyo mintaqasi uchun profilining montaj kengligi kamida 60 mm bo‘lgan metall-plastik romlarni o‘rnatishni tavsiya qiladilar.
Profil qanchalik keng bo‘lsa, armaturalash ham shunchalik qalin va ishonchli bo‘lishi kerak. U zanglamas qotishmadan yasalgan yoki ruhlangan bo‘lishi, qalinligi 1,5 mm dan kam bo‘lmasligi kerak. Rangli yoki laminatsiyalangan romlar quyoshda qattiqroq qizishini hamda 2 mm va undan ortiq armaturalanishi kerakligini hisobga oling.
AKFA metalloplastik romlari ichida po‘latli mustahkamlagich o‘rnatilgan. Barcha mahsulotlar yuqori xalqaro standartlarga to‘liq javob beradi.
Furnitura sifati
Bu holda tejamkorlik o‘ziga-o‘zi zarar yetkazishni anglatadi. Furnitura oyna ravon, yengil va qulay ochilishi va ishonchli yopilishiga ta’sir qiladi. Akfa assortimentida qator jahonda yetakchi kompaniyalarning turli mexanizm, furnitura va aksessuarlari taqdim etilgan, shu jumladan: Rotto (Germaniya), Fab& Fix (Buyuk Britaniya), Hoppe (Germaniya), Fornax (Turkiya). Ular orasida buzishdan yuqori himoyaga, qo‘shimcha qulflash nuqtalariga va rom tizimini ochishning o‘ziga xos variantlariga ega mexanizmlar mavjud. Furnitura va aksessuarlar sizning ehtiyojingizdan kelib chiqqan holda tanlanadi.
Muhim: oyna furniturasi zanglamasligi, shaklan o‘zgarmasligi va yedirilmasligi uchun sifatli metalldan bo‘lishi kerak. Keng tarqalgan furnitura turlaridan ochilishning burama, qaytarma va burama-qaytarma mexanizmlarni aytib o‘tish mumkin. Oxirgi turi qimmatroq bo‘ladi, sababi, o‘zida ochilishning ikki turini birlashtirib, rom konstruksiyasida darcha bo‘lishini ko‘zda tutish zaruratidan xalos qiladi. Bunda Yevropa ishlab chiqaruvchilarining mahsulotini tanlagan ma’qul, sababi, statistikaga ko‘ra ular xitoy analoglariga nisbatan bir necha barobar ishonchli bo‘lib, sizga ancha ko‘p xizmat qiladi.
Energiya samaradorligi
Elektr narxining oshishini hisobga olgan holda, uy sharoitida energiya tejovchi texnologiyalardan foydalanishga alohida e'tibor qaratish lozim. AKFA romlari energiyani tejovchi steklopaketlar bilan jihozlangan bo‘lib, ular iqlim o‘zgarishidan samarali himoya qiladi va qishda ham, yozning issiq kunlarida ham xona ichida qulay haroratni saqlaydi.
Energiyani tejovchi oynalarning oddiy oynalardan farqini anglash uchun oddiy eksperiment natijalari bilan tanishish tavsiya etiladi. AKFA mutaxassislari bir kamerali steklopaket bilan jihozlangan turli romlarning ichki oynasi haroratini o‘lchadilar. Standart oynalar orqali issiqlik yo‘qotilishi 10% dan 40% gacha bo‘lgan. Bundan kelib chiqadiki, energetik samarador oynalar xonalarda issiqlikni saqlash va konditsionerlashda mablag‘ni tejash orqali kelusida kiritgan sarmoyangizni oqlaydi. Energiya tejovchi romlar oynalar orqali issiqlik yo‘qotilishini taxminan 70% gacha qisqartirishga qodir. Yozgi mavsumda esa ular konditsionerlash harajatlarini taxminan 50% ga qisqartiradi.
AKFA uzoq yillar xizmat qiladigan yuqori sifatli PVX deraza va eshik tizimlarini taklif qiladi.
- Axborot markazi: (+998) 71−203−00−00
- Sayt: akfagroup.com
- Instagram: @akfa_home
- Facebook: https://facebook.com/akfahome
Reklama huquqi asosida.
Izoh (0)