Gonkongda 90 dan ortiq odam B guruhi streptokokklari keltirib chiqaradigan infeksiyani yuqtirdi. Bu haqda mahalliy sog‘liqni saqlash markazi xabar berdi.
Kasallik oqibatida to‘rt kishi vafot etgan, yana to‘rt nafar bemorning ahvoli og‘ir. Bemorlardan 43 nafarining ahvoli barqaror bo‘lib, 40 kishi shifoxonadan chiqarilgan.
Kasallangan 75 nafar bemor xom holdagi chuchuk suv balig‘ini iste’mol qilgan. Bu baliqlar Gonkongning 18 ta tumanidagi 47 ta bozordan xarid qilingan. Mahalliy hokimiyat organlari aholini chuchuk suv baliqlarini ushlashda qo‘lqop kiyishga, uni yaxshilab pishirilgan holda iste’mol qilishga, shuningdek, yaralar yallig‘langanda va isitma ko‘tarilganda darhol tibbiy yordamga murojaat qilishga chaqirmoqda.
Izoh (0)