O‘zbekistonda 16 yoshgacha bolalari mavjud bo‘lgan uy xo‘jaliklari ulushi ma’lum qilindi.
Statistika agentligi tanlanma kuzatuvlari ma’lumotlariga asosan, 2024-yilning yanvar-avgust holatiga ko‘ra, 16 yoshgacha bolalari mavjud bo‘lgan uy xo‘jaliklari 71,9 foizni tashkil etgan.
Ma’lumot uchun, ko‘rsatkich 2022-2023-yillarda – 74,4 foizni ni tashkil etgan.
Nikohga doir vaziyat tahlili
Yarim yil mobaynida tuzilgan nikohlar soni Samarqand viloyatida, ajrimlar Toshkent shahrida eng ko‘p qayd etilgan.
2024-yil yanvar–iyun oylarida O‘zbekistonda 97,4 mingta nikoh qayd etildi. Nikohlarning 50,1 mingtasi shaharlarda, 47,3 mingtasi qishloqlarda tuzilgan.
Yarim yil mobaynida eng ko‘p nikohlar Samarqand viloyatida qayd etilgan —10 197 ta. Shu bilan birga, Qashqadaryo (9 801 ta), Farg‘ona (9 758 ta), Surxondaryo (8 121 ta) viloyatlari hamda Toshkent shahrida (9 000 ta) tuzilgan nikohlar ulushi boshqa hududlarga nisbatan yuqori bo‘lgan.
Nikohlar sonining eng kam ulushi Sirdaryo viloyatiga to‘g‘ri kelgan — 2 410 ta. O‘z navbatida Navoiy (2 661 ta), Jizzax (3 518 ta), Buxoro (5 818 ta) viloyatlari hamda Qoraqalpog‘istonda (6 389 ta) qolgan hududlardagidan kam oila qurilgan.
Nikohdan ajralishlar
Joriy yilning birinchi yarmida mamlakatda nikohdan ajralishlar soni 22,5 mingtani tashkil etdi (2023-yil mos davrida 25,4 mingta bo‘lgan). Ajrimlarning 13,8 mingtasi shaharlarda, 8,6 mingtasi qishloqlarda qayd etilgan.
Nikohdan ajralishlarning eng ko‘p ulushi Toshkent shahriga to‘g‘ri kelgan—2 935 ta. Shuningdek, Andijon (2 390 ta), Farg‘ona (2 370 ta), Toshkent (2 285 ta) va Samarqand (2 265 ta) viloyatlarida nisbatan yuqori ulush kuzatilgan.
Olti oy davomida eng kam nikohdan ajralishlar Navoiy viloyatida bo‘lgan — 588 ta. O‘z o‘rnida Sirdaryo (772 ta), Jizzax (841 ta), Xorazm (988 ta) viloyatlari hamda Qoraqalpog‘istonda (907 ta) nisbatan kam ajrimlar ro‘yxatga olingan.
Izoh (0)