Toshkent shahar Olmazor tumanidagi xususiy maktablarning birida o‘quvchi bola kaltaklangani haqida videolar tarqaldi. Holat bolalar ombudsmani tomonidan nazoratga olingani ma’lum qilindi.
Tuman IIO FMB tomonidan olib borilgan tergovga qadar tekshiruv davomida aniqlanishicha, mazkur xususiy maktabning 9-sinf o‘quvchisi G‘.J. (2008-yilda tug‘ilgan)ga maktab o‘qituvchilari A.F. va N.M. tomonidan jismoniy kuch ishlatilgan. Tayinlangan sud tibbiy ekspertiza xulosasiga ko‘ra, G‘.J.ga yengil tan jarohati yetkazilgan.
Mazkur holat yuzasidan A.F. va N.M.larning xatti-harakatlariga qonuniy chora ko‘rish uchun mazkur ish materiallari Jinoyat ishlari bo‘yicha Olmazor tumani sudiga yuborildi.
Bolalar ombudsmani o‘z vakolatlari doirasida mazkur ish yuzasidan kuzatuvini davom ettiradi.
Avvalroq Toshkent shahar Olmazor tumanida maktab o‘quvchisi ustiga futbol darvozasi tushib ketishi oqibatida vafot etgani haqida xabar berilgandi.
Shuningdek, Andijondagi maktablardan birida o‘quvchi maktabdoshini kaltaklagani haqida xabar berilgandi. Bundan tashqari, Buxoroda ixtisoslashtirilgan maktab-internati o‘qituvchisi ruhiy nogiron o‘quvchini urgani xabar qilingandi.
Izoh (1)
Bolalar obbusmaniga murojaatim: qish kunlari yaqinlashayapti qishloq maktablaridan ham bir xabar olinglar . Qachonki bir tayyor vedio chiqsa shuni soʻrishtirmay.