YUNESKO Butunjahon merosi dastlabki ro‘yxatiga kiritilgan “Namuna” va “Hasti Imom” tarixiy mahallalarida art-rezidensiyalar tantanali ochilish marosimi bo‘ldi.
“Bu Toshkentning madaniy merosini asrab-avaylash va ijodiy muhitini rivojlantirish yo‘lidagi muhim qadamdir” , deb yozdi unda ishtirok etgan Saida Mirziyoyeva.
Loyiha O‘zbekistonning barcha hududlari hamda boshqa mamlakatlarning ijodkor va hunarmandlarini qo‘llab-quvvatlashga qaratilgan. Art-rezidensiya tajriba almashish, madaniyatlararo muloqot va qo‘shma loyihalarni amalga oshirish platformasiga aylanadi.
-z6gNHGcv.jpg)
-nC4Zk5az.jpg)
-XEa0wOfw.jpg)
2022-yil fevral oyi boshlarida Toshkent shahridagi mahallalar YUNESKOning Butunjahon madaniy merosi dastlabki ro‘yxatiga kiritilgani to‘g‘risida xabar berilgandi. Ma’lum qilinishicha, Eski shahar mahallalari madaniy qatlamlarini saqlab qolish bo‘yicha dastlabki qadamlar 2019-yilda Venetsiya arxitektura Biyennalesida taqdim etilgan “Mahalla: shahar va qishloq hayoti” loyihasi ishlab chiqilganda amalga oshirilgan. Mahallalar xalqaro ekspertlar tomonidan ekoarxitekturani tiklash, zamonaviy shaharlarni ommaviy urbanizatsiyadan asrash, shuningdek, ijtimoiy qadriyatlar va jamoaviylikni saqlab qolish usuli sifatida e’tirof etilgan.
O‘sha yili O‘zbekiston Madaniyat va san’atni rivojlantirish jamg‘armasi Toshkentning Eski shahar hududida art-rezidensiyalar yaratish tashabbusi bilan chiqdi. O‘zbekiston va chet elliklar ichun ijodiy maskanni tashkil etish bo‘yicha Toshkentning Olmazor tumanida joylashgan ikkita obyekt tanlab olindi.
Izoh (0)