Uzbekistan Airways Eron va Iroq havo hududini aylanib o‘tgan holda parvozlarni amalga oshira boshlashi e’lon qilindi.
Qayd etilishicha, fuqaro havo kemalari parvozlarining xavfsizligini ta’minlash maqsadida, 2024-yil 2-oktyabrdan boshlab, O‘zbekiston Fuqaro aviatsiyasi agentligining ko‘rsatmasiga muvofiq, Uzbekistan Airways Iroq havo hududi va Eron havo hududining g‘arbiy qismini aylanib o‘tgan holda, aniq ko‘rsatmaga qadar muntazam parvozlarni amalga oshiradi.
Uzbekistan Airways parvozlarning maksimal xavfsizligini ta’minlash uchun muqobil yo‘nalishlardan foydalangan holda Toshkent-Tel-Aviv-Samarqand/Toshkent yo‘nalishi bo‘yicha muntazam aviaqatnovlarni amalga oshirishni davom ettiradi.
Avvalroq Tel-Aviv—Samarqand—Toshkent yo‘nalishidagi aviaqatnov majburiy kechiktirilgani haqida xabar berilgandi. Shuningdek, Flynas va Qeshm Air aviakompaniyalari Yaqin Sharqdagi vaziyatning keskinlashuvi va havo hududining bir qismi yopilishi munosabati bilan O‘zbekistonga parvozlarni vaqtincha to‘xtatgan.
Izoh (0)