Yaponiyaning Miyazaki aeroporti maʼmuriyati taksi yo‘llaridan birida portlash sodir bo‘lganidan keyin barcha reyslarni bekor qildi. Bu haqda NHK telekanali xabar berdi.
Hodisa 2-oktyabr kuni ertalab mahalliy vaqt bilan soat 8 atrofida sodir bo‘lgan. Qayd etilishicha, voqea joyida tutun ko‘ringan. Aeroport dispetcheri ham portlash ovozini eshitganini aytgan. Hodisa joyida uzunligi taxminan yetti metr, eni to‘rt metr bo‘lgan chuqurlik aniqlangan. Qurbonlar haqida ma’lumot berilmagan.
Hozirda uchish-qo‘nish yo‘lagi yopiq, politsiya aeroport xodimlari va odamlarni voqea joyidan evakuatsiya qilmoqda. Jadvaldagi o‘zgarishlar 41 ta reysga ta’sir qilgan, ammo ularning soni oshishi kutilmoqda.
Avvalroq Yaponiyadagi Yangi Titose aeroportida kutish joyidagi do‘konlardan birida xodimlar ishlatgan qaychi g‘oyib bo‘lishi natijasida 36 ta reys bekor qilingani, yana 201 tasi kechiktirilgani haqida xabar berilgan edi.
Izoh (0)