Futbol bo‘yicha Chempionlar Ligasi guruh bosqichining 2-turi doirasidagi o‘yinda “Slovan”ni 4:0 hisobida mag‘lub etgan “Manchester Siti” ushbu musobaqa tarixidagi eng uzoq davom etgan mag‘lubiyatsiz seriya bo‘yicha “Manchester Yunayted”ning rekordini takrorladi. Ushbu seriya 25 o‘yinni tashkil etgandi.
Chempionlar Ligasining so‘nggi 25 uchrashuvida “shaharliklar” 17 marta g‘alaba qozongan va 8 marta durang o‘ynagan. “Manchester Siti” so‘nggi bor Chempionlar Ligasi 2021—2022-yilgi mavsumning yarim final javob o‘yinida “Real”ga mag‘lub bo‘lgandi.2022-yil 26-aprelda bo‘lib o‘tgan birinchi uchrashuvda “Manchester Siti” 4:3 hisobida g‘alaba qozongan. 2022-yil 4-mayda bo‘lib o‘tgan javob o‘yinida Real Madrid 3:1 hisobida g‘alaba qozonib finalga yo‘l olgan edi.
“Manchester Yunayted” bu rekordni 2009-yilning may oyida o‘rnatgan. O‘shanda jamoani ser Aleks Fergyuson boshqargan. “Qizil iblislar” bu mag‘lubiyatsiz seriyani 2007-yilning sentyabr oyidan boshlagan.
Izoh (0)