Livanning “Hizbulloh” guruhi Hasan Nasrullohning o‘limidan so‘ng ijroiya kengashi raisi etib Hoshim Safiy ad-Din tayinlanganini rad etdi. Bu haqda Anadolu xabar berdi.
“Hizbulloh” yozma bayonotiga ko‘ra, ommaviy axborot vositalarida yangi bosh kotib tayinlangani haqidagi xabarlar hech qanday ahamiyatga ega emas.
Ba’zi ommaviy axborot vositalarida tarqatilayotgan “Hizbulloh” rahbariyatining bosh kotibi (Nasrulloh) shahid bo‘lgandan keyingi tashkiliy jarayonlar haqidagi xabarlar haqiqatga to‘g‘ri kelmaydi, deyiladi bayonotda.
Shuningdek, “Hizbulloh” rahbariyatining bu masala bo‘yicha ishlari davom etayotgani ta’kidlangan. Ular rasmiy bayonotiga qadar bunday xabarlarga ishonmaslikka chaqirgan.
Nasrulloh 28-sentyabr kuni Isroil harbiy-havo kuchlarining Bayrutdagi yerosti qarorgohiga uyushtirgan hujumida halok bo‘ldi. “Hizbulloh” rahbariyati “G‘azo va Falastinni, shuningdek, Livanni qo‘llab-quvvatlash uchun dushmanga qarshi jihodni davom ettirishiga” va’da bergan.
Avvalroq El Balad, Al Arabiya va Al Hadath rasmiy manbalariga tayanib, Safiy ad-Din yangi yetakchi bo‘lganini ma’lum qilgandi. U Hasan Nasrullohning amakivachchasi va AQSH havo hujumi paytida halok bo‘lgan Eron Quds kuchlarining sobiq qo‘mondoni Qosim Sulaymoniyning kuyovi hisoblanadi.
Izoh (0)