Model va biznesvumen Rouzi Hantington-Uaytli modellik biznesida 21 yillik tajribaga ega bo‘lsa-da, uning karyerasi doim ham muvaffaqiyatli bo‘lmagani haqida so‘zlab berdi.
Reign with Josh Smith podkastiga bergan intervyusida 37 yoshli Rouzi o‘zining modellik faoliyatidagi tajribasi, turli brendlar tomonidan rad javobini olgani hamda muvaffaqiyatsizlikka uchragani haqida intervyu berdi.
Modelning so‘zlariga ko‘ra, avvallari rad javobini doim og‘ir qabul qilar va omadsiz kunlarida tezda tushkunlikka tushib qolar edi. Bir kuni Rouzini aynan suratga olish paytida syomkani to‘xtatib, uni uyiga yuborishgan. Bu voqea yulduzga qattiq ta’sir qilgan. Biroq Hantington-Uaytli yillar davomida muvaffaqiyatsizliklarga bo‘lgan munosabatini o‘zgartirdi va hayotidagi har bir qora chiziqni professional faoliyatining bir qismi sifatida qabul qilishga o‘rgandi.
“Agar biror ishim samara bermasa, demak bu narsa men uchun emas ekan, deb o‘ylayman va vaziyatni xolisona qabul qilaman. Yoki yana bir bor rad javobini olsam, demak noto‘g‘ri eshikni qoqayotgan ekanman deyman va meni qabul qilishlari mumkin bo‘lgan boshqa joylardan imkoniyat izlayman”, — dedi u.
Murakkab vaziyatlarda modelga uning turmush o‘rtog‘i Jeyson Steytem dalda bo‘lgan. Juftlik 2009-yildan beri birga va ikki nafar farzandi — olti yoshli Jek va ikki yoshli Izabella bor. Aktyor Jeyson Steytem Rouzni har ishda qo‘llab-quvvatlagan va rafiqasiga o‘z nuqtai-nazarini himoya qila olish, salbiy fikrlarga e’tibor bermaslikni o‘rgatgan:
“Jeyson turli vaziyatlarda o‘z haq-huquqlarini himoya qilishni yaxshi biladi. U mening tayanchim va men undan ko‘p narsalarni o‘rganganman”, — dedi Rouzi Hantington-Uaytli.
Izoh (0)