Britaniyalik aktrisa Ketrin Zeta-Jons 25-sentyabr kuni 55 yoshini nishonladi. Mashhur aktrisa Buyuk Britaniyada joylashgan Uelsda tug‘ilgan. Uning otasi shirinlik fabrikasi egasi, onasi esa tikuvchi bo‘lgan. Bolaligidanoq Ketrin aktyorlik kasbini orzu qilgan, shuning uchun u maktabni tashlab, musiqa san’ati va teatr yo‘nalishi bo‘yicha san’at kollejiga o‘qishga kiradi.
Ko‘p o‘tmay, Zeta Jons mahalliy teatrda rol o‘ynay boshlaydi. 14 yoshida u myuzikldagi rol uchun kastingdan o‘tadi. 18 yoshga kelib, aktrisa yana bir nechta sahna asarlarida ishtirok etadi.
Natijada Ketrin Zeta-Jons filmdagi ilk debyutini “1001 kecha” filmida amalga oshiradi.
Aktrisaga yanada ko‘proq mashhurlik keltirgan komediya “The Darling Buds of May”dagi roli bo‘ladi. Keyinchalik u sekin-asta katta kino va seriallarda ko‘rinish bera boshlaydi. Xususan, Ketrinning karyerasini tubdan o‘zgartirgan “Titanik” seriali bo‘ldi, chunki serialdan so‘ng aktrisa mashhur rejissyor Stiven Spilbergning e’tiboriga tushadi. U Zeta-Jonsni hamkasbi Martin Kembellga aktrisa sifatida tavsiya qildi. Natijada yulduz “Zorro niqobi” filmida rol o‘ynaydi va “Tuzoq”, “Ruhlar” va boshqa filmlar orqali Gollivudda tezda mashhurlik qozona boshlaydi.
Aktrisaga ko‘plab tanqidlar va e’tirof “Trafik” va “Chikago” filmlaridan keyin keladi. “Chikago”da u “Eng yaxshi yordamchi aktrisa” nominatsiyasida “Oskar” mukofotini qo‘lga kiritadi.
Kelgusi o‘n yil davomida aktrisa mashhurlikning cho‘qqisida turib, “Oushenning 12 do‘sti”, “Terminal” komediyasi va “Hayot lazzati” romantik komediyasi kabi bir qator filmlarda rol o‘ynaydi.
Qizig‘i, Ketrin Zeta-Jons 1990-yillarda biroz vaqt musiqa bilan shug‘ullangan. Uning repertuarida “In the Arms of Love”, “I Can’t Help Myself” va “True Love Ways” kabi qo‘shiqlar mavjud.
Zeta-Jons bir necha yil davomida o‘zini karyerasiga doimiy ravishda bag‘ishlaganidan so‘ng, u ishtirok etadigan loyihalarni yanada ehtiyotkorlik bilan tanlay boshladi. Aktrisa ko‘plab marta karyerasidan tanaffus olib, vaqtini o‘ziga va oilasiga bag‘ishlashga harakat qiladi.
So‘nggi yillarda aktrisa mashhur “Uenzdey” serialida rol o‘ynaydi, bir necha reklama kampaniyalarida ishtirok etib, hozirda ham turli xil xayriya tashabbuslarini qo‘llab-quvvatlaydi.
Shuningdek, aktrisa 55 yoshida ajoyib ko‘rinishi sir emas. Ketrinning so‘zlariga ko‘ra, u plastik operatsiya qildirmagan. Uning yoshlikni saqlash sirlari ancha oddiy: qayta ishlanmagan ovqatlar, ko‘proq suyuqlik ichish va sport. Ayollarning qarish jarayonini hisobga olgan holda, aktrisa 40 yoshdan oshgan ayollarga filmlarda juda kam rol berilishini tanqid qilib, o‘zgarishlarni talab qilgan.
Ketrin Zeta-Jons o‘zidan 25 yosh katta bo‘lgan aktyor Maykl Duglas bilan taxminan 24 yildan beri baxtli yashaydi — juftlikning 23 yoshli o‘g‘li Dilan va 21 yoshli qizi Keris bor.
Ularni shou-biznesning eng mustahkam juftliklaridan biri deb atashadi. Duglasning so‘zlariga ko‘ra, uni aktrisadagi nafaqat professional ijro, balki golfga bo‘lgan qiziqishi ham maftun qilgan.
Biroq er-xotin o‘rtasidagi munosabatlar har doim ham ideal bo‘lmagan. 2010-yilda Mayklga tomoq saratoni tashxisi qo‘yilgan, keyingi yilda esa Ketrin bipolyar buzilishdan davolanadi. Bir-birlarini qo‘llab-quvvatlashlari tufayli ikkalasi ham to‘liq davolangan. Hozirda baxtli oila sifatida ular ijtimoiy tarmoqlarda bolalari bilan birga sayohat qilgani yoki yolg‘iz vaqt o‘tkazganini obunchilari bilan baham ko‘radi.
Izoh (0)