UEFA Chempionlar Ligasining “Monako”ga qarshi o‘yinida muxlislari irqchilikka oid bannerni ko‘rsatgani uchun “Barselona” klubini jazoladi, deb xabar bermoqda AP News.
Manbaga ko‘ra, UEFA Kataloniya klubini 10 ming yevro miqdorida jarimaga tortgan va jamoaning yevrokuboklardagi navbatdagi safar o‘yiniga chiptalar sotuvini taqiqlagan.
Ma’lumot uchun, “Monako” – “Barselona” uchrashuvi 19-sentyabr kuni bo‘lib o‘tdi. UEFA Chempionlar Ligasining 2024—2025 yilgi-mavsumi 1-tur o‘yinida “Monako” 2:1 hisobida g‘alaba qozondi.
“Barselona” klubi so‘nggi uchrashuvni 25-sentyabr kuni o‘tkazdi. “Xetafe” klubiga qarshi uchrashuvni Levandovski tomonidan kiritilgan yagona gol hal qildi.
Izoh (0)