Bunyod Mamajonov Toshkentning Uchtepa tumani hokimi etib tayinlandi. Bu haqda poytaxt hokimligi matbuot xizmati xabar berdi.
Tayinlovga qadar u 2020-yildan shu kunga qadar “Asakabank” aksiyadorlik jamiyati boshqaruvi raisining o‘rinbosari lavozimida faoliyat yuritib kelgan.
Bunyod Mamajonov 1985-yilda Toshkent shahrida tug‘ilgan. 2008-yilda Toshkent moliya institutini magistrlik darajasi bilan tamomlagan.
Uchtepa tumaniga 2019-yil may oyidan buyon Farhod Abdullayev rahbarlik qilib kelgan. U 2024-yilning iyul oyida “O‘zbekiston texnologik metallar kombinati” raisi etib tayinlangach tuman hokimi vazifasini hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Jamshid Alimjonov vaqtincha bajarib kelayotgandi.
Bundan avval Toshkentning Mirzo Ulug‘bek, Shayxontohur tumanlariga, Surxondaryo viloyatining Muzrabot va Sho‘rchi tumanlariga yangi hokimlar tayinlangandi.
Izoh (0)