30 milliondan ortiq tomoshabinlar auditoriyasiga ega bo‘lgan shou o‘zining 30 yilligini nishonladi. Bu vaqt davomida loyiha nafaqat fenomenga, balki televideniye tarixidagi muhim voqealardan biriga aylandi, pop-madaniyat va zamonaviy sitkom haqidagi tasavvurlarni shakllantirishda sezilarli ta’sir ko‘rsatdi.
- Hayratlanarli tomoni shundaki, shou jonli auditoriya oldida suratga olingan. Tomoshabinlarning reaksiyasiga qarab ijodkorlar ssenariyni moslashtirishgan va dialoglarni o‘zgartirishgan. Shunday bo‘lsa-da, suratga olish ishlari kechqurun ham davom etgan holatlar bo‘lgan. Jonli reaksiyalar asosiy talab bo‘lgani uchun zalda o‘tirgan tomoshabinlarni almashtirishga to‘g‘ri kelgan.
- Dastlab rejissyorlar Reychel rolini Kortni Koks o‘ynashini xohlagan. Biroq yulduz Monika roli unga ko‘proq mos kelishini aniq tushuntirib bergan. Ko‘rib turganimizdek, u haq bo‘lib chiqqan.
- Garchi tomoshabinlarga shou boshida ijro etilgan I’ll Be There for You qo‘shig‘i juda yoqqan bo‘lsa-da, aktyorlar bunday fikrda emasdi. 2016-yilda Reychel rolini ijro etgan aktrisa bu haqda ochiq tan olib, qo‘shiq ularga yoqmaganini aytgan.
- Dastlab Monika Jou emas, Chendler bilan qolishi kerak edi. Biroq asosiy qahramonlar o‘rtasida sevgi sahnasi tasvirga olingan epizodda serial ijodkorlari aktyorlar o‘rtasidagi muhabbatni payqab, fikrlarini o‘zgartirgan. Keyinchalik tomoshabinlarning reaksiyasini ko‘rib, bu qarorning to‘g‘ri ekaniga amin bo‘lishgan.
- Kultga aylangan to‘q sariq divan Warner Bros. studiyasining omborxonasi podvalidan topilgan. Biroz rangsizlanib, eskirgan bu mebel mukammal variantga aylangan. Axir do‘stlar ko‘pincha shu divanda o‘tirib, o‘z hayotlaridagi eng yorqin lahzalarni muhokama qilishgan.
- Metyu Perri Jennifer Enistonni sevib qolgan. U buni ilk bor suratga olish ishlari boshlanishidan ikki yil oldin, Jennifer bilan birinchi marta uchrashganida his qilgan. U hatto his-tuyg‘ularini aytolmagan. Jennifer Bred Pittga turmushga chiqqanida o‘zining hech qanday imkoniyati yo‘qligiga amin bo‘lgan.
- Ma’lum bo‘lishicha, aktyorlar Rossning sevimli jonivori bo‘lgan Marsel laqabli maymun bilan ishlashni yomon ko‘rishgan, garchi u shouning muhim qahramonlaridan biri bo‘lgan bo‘lsa ham. Marsel ko‘pincha o‘ziga belgilangan vazifalarni bajarmasdi, bu esa suratga olish jarayonini kechiktirardi.
Izoh (0)