Ushbu juftlikning ajrashishi haqida mish-mishlar bir necha oydan beri tarqalib kelayotgan edi. Biroq Jennifer bu safargi nikohiga nuqta qo‘yishga shoshilmasdi. Ilgari qo‘shiqchi ancha qat’iy edi: oldingi munosabatlarida aynan u og‘riqli bo‘lsa-da, ajralish qarorini qabul qilardi. Uning muxlislari bilishadi: agar Jey biror narsani qaytarib bo‘lmasligini anglagan bo‘lsa, u kutmaydi. Ammo Ben bilan bog‘liq vaziyatda u bir qarorga kelolmayapti. Chunki buning obyektiv sababi borligi ma’lum bo‘ldi.
Juftlikka yaqin bo‘lgan manbalarning so‘zlariga ko‘ra, Ben Afflek va Jennifer Lopes to‘ydan oldin nikoh shartnomasi tuzmagan ekan. Yulduzlarning darajasiga qarab, bunga ishonish qiyin. Odatda bunday nikohdan oldin bo‘lajak er-xotin ko‘p sahifali shartnomalar tuzishadi. Ammo Afflek va Lopes nimagadir buni e’tiborsiz qoldirgan.
Do‘stlarining so‘zlariga ko‘ra, aynan Jennifer Lopes nikoh shartnomasini tuzishda qat’iy turmagan. Bu uning to‘rtinchi nikohi bo‘lgani uchun Jennifer bu safar hammasi yaxshi bo‘lishiga ishongan. Ayniqsa, Afflek bilan 20 yildan beri tanish bo‘lganini inobatga olsak, bu vaqt davomida ular bir-birlarini yaxshi bilib olishga ulgurgan. Ammo nikohning birinchi yilidayoq xonanda bu qaroridan afsuslana boshlagan.
Endi ularni uzoq sud jarayoni kutmoqda, chunki ikki yil ichida ular bir necha hashamatli uylar va avtomobillarga ega bo‘lishga ulgurgan. Albatta, Lopes va Afflek mol-mulkni bo‘lish haqida kelishib olishlari mumkin, ammo so‘nggi paytlarda ularning munosabatlari qanday kechayotganini inobatga olganda, bunga ishonish qiyin.
Jey Lo va Ben Afflekning birgalikdagi eng romantik suratlari:
Izoh (0)