4-dekabr kuni sud AQSH prezidentining o‘g‘li Hanter Baydenga qurol sotib olayotganda yolg‘on ma’lumot berganlik va uni noqonuniy saqlaganlik uchun hukm chiqaradi. Bu haqda Reuters sud qaroriga tayanib xabar berdi.
Avvalroq CNN xabar qilganidek, Hanter Bayden 25 yilgacha qamoq jazosiga hukm qilinishi mumkin.
11-iyun kuni hakamlar hay’ati uni AQSH Adliya vazirligi taqdim etgan uchta moddada ham aybdor deb topdi. Ikki huquqbuzarlik Bayden 2018-yilda Colt Cobra revolverini sotib olayotganda giyohvand moddalar iste’mol qilmayotganini aytib, yolg‘on gapirgani tufayli yuzaga kelgan. Uchinchi huquqbuzarlik giyohvandlarga o‘qotar qurolga ega bo‘lishni taqiqlovchi qonunni buzganlikda ifodalanadi.
2023-yil dekabr oyi boshida Hanter Bayden soliq to‘lashdan bo‘yin tovlaganlikda ham ayblangan. Prokurorlarning fikricha, prezidentning o‘g‘li ekstravagant turmush tarzi uchun millionlab dollar sarflagan. Bu holatda unga 17 yilgacha qamoq jazosi berilishi mumkin.
6-iyun kuni AQSH prezidenti Jo Bayden ABC televideniyesiga bergan intervyusida Delaver okrug sudida o‘tkazilgan sud jarayonlari natijasida o‘g‘li Hanter aybdor deb topilsa, uni afv etmasligini ma’lum qilgan.
Izoh (0)